Aallariartortarfissap ilusaanut anguniakkat
Zeso Architectsimit Nuup mittarfiani aallariartortarfissapilusaa ilaasussallu ingerlaarnerat oqaluttuarineqarpoq.
I llorsuup ilusaanut pingaarnertut anguniarneqarpoq Kalaallit Nunaannut eqqaanartumut atoruminarluartumut mittarfinni illorsualiornissaq nunami sanaartornissamut atukkani immikkut ittuni ilusilersuinikkut piviusunngortinneqartuni, siunissamullu pisariaqartitat qulakkeerlugit, taama aallariartortarfiup atorneqarnermini nalinga pillugu allakkatigut apeqqummut Zeso Architects allapput.
Titartarnerani pingaarnertut anguniarneqartut tassaapput sumiiffimmut tulluarsaasinnaaneq:
Illorsuup silataata ilusaa sanaartornermilu atukkanik toqqaaneq, sumiiffimmi silap pissusaanut pinngortitamullu immikkuullarissumut eqqaanartoq.
Illorsuup iluata aaqqissuunnerani inuiaat kalaallit kulturiallu aallaavigineqarluni.
Ilusaa patajaatsoq
Illorsuup silataata isikkua Kalaallit Nunaanni pinngortitamut eqqaanarpoq silap pissusaa allanngorartuartoq sammillugu illorsuit tunuliaqutaralugit ’imminut nittarsaattoq’.
Illorsuit patajaappasillutik isikkoqarput, teqeqqorpassuaqaratik. Saqqai tasisuaarpasipput, pisariaqartitanut atoruminarpasillutik, qalia manissuinnaalluni. Taama iluseqarnerata illorsuit pinngortitarsuarmut avatangiiserisaminnut ’tammanngitsut’ saniatigullu sumiiffigisaminni pinngortitamut soorlu qaarsumut, qaqqanut iigartartunullu kitaani ilisarnaatinut naleqqussagaanngitsut akornuserpai, illussanik titartaasartut oqaluttuarput nangillutillu:
Illorsuup saqqaa ilisarnaasersorneqarsimavoq taamaalilluni iluseq soqutiginartoq pinngortinneqarluni, sermeq apullu qaaniilerpata. Taamaaliornikkut illorsuit silap pissusaa nikerartoq ersarissisippaat sanaartornermi atukkat apummut, sermimut imermullu allequtinngortillugit, soorlu qaarsut ujaqqallu pinngortitamiittut taamaattartut.
Ini kialaartoq
Silami ilusit ersarillutillu patajaatsut aallariartortarfimmi init kissalaarput atoruminarlutillu nunami sumiinnerannut ilisarnaateqarlutik, illussanik titartaasartut nangillutik oqaluttuarput.
Pingaarnertut sanaartornerani ilusaa sisammik qisuttalimmik nappateqarpoq, sanaartoriaatsimut ileqquusumut, arferit saanerattut oqaluttuarisaanermilu qisummik illuliortarnermut eqqaanartumik. Sinaakkutaasa illorsuup atuuffippassui assigiinngitsut ataatsimik qaliaqarluni katersorpai, taamaalilluni illorsuaq paasiuminarluni. Qisuttaa aamma iluani ininut kissalaartitsivoq, illussanik titartaasartut oqarput.
Aallariartortarfissaq nutaaq pillugu ilanngutassiaq tamaat aviisimi Sermitsiami sapaatip-akunnerani matumani saqqummersumi atuaruk. Ugguuna iserfigisinnaavat:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
