Aallaqqaataanniit aallarteqqillugit
Nuummi akunnittarfiliornissat pilersaarusiorneri aallaqqaataanniit aallarteqqinniarsigik najukkamilu inuussutissarsiortut peqataatillugit, Sulisitsisuni Akunnittarfeqarnermut, Neriniartarfeqarnermut Takornariaqarnermullu ataatsimiititaliami siulittaasoq Helge Tang taama innersuussuteqarpoq.
Kommuneqarfik Sermersuumi Teknikimut Avatangiisinullu Ingerlatsivimmit Nuummi akunnittarfiliorfissatut arfineq-marluk siunnersuutigineqarput. Siunnersuutigineqartut Aningaasaqarnermut Inuussutissarsiornermullu ataatsimiititaliap sisamanngornermi decembarip 15-ianni ataatsimiinnissaanut oqaluuserisassanngortinneqarsimapput, ataatsimiinnerli sioqqutitsiarlugu oqaluuserisassanit peerneqarluni.
Aviisi Sermitsiaq taama allappoq.
Sooq taama pisoqarneranik ilisimatinneqanngilagut, tusarfiilli uppernarsarneqanngitsut ilisimatitsissutigaat, tamanna Sulisitsisut naammagittaalliuuteqarnerannik patsiseqartoq.
Tamanna ullunik pingasunik sioqqullugu, tassa decembarip 12-ianni Akunnittarfeqarnermut, Neriniartarfeqarnermut Takornariaqarnermullu ataatsimiititaliami siulittaasoq Helge Tang allakkanik borgmesterimut, kommunimi pisortat qullersaanut aamma ataatsimiititaliamut naammagittaalliuutinik allagaqarpoq, tamatumanilu misiliisoqaqqinnissaa aamma najukkani inuussutissarsiortut pilersaarutinut akuutinneqartariaqartut kajumissaarutigalugu.
Illuatungaatigulli suliniut aamma nersualaarpaa.
Pitsaasoq, taamaattorli…
- Tunngaviusumik isumaqarpugut pitsaasuusoq, Kommuneqarfik Sermersuup siunissami takornarialerinermik inuussutissarsiuteqarnissaq isumaliutigimmagu. Naleqqutinngitsutulli isigaarput inuussutissarsiut pineqartoq ingerlatsivimmit politikerinut siusinnerusukkut oqallisissiarineqarsimanngimmat. Soorlumi aamma tamatumunnga ilinniagaqarsimasut imaluunniit najukkani akunnittarfimmik inuussutissarsiuteqarnermik misilittagaqartut akuutinneqarsimanngitsut, naak aalajangiiffigisassatut siunnersuummi allassimagaluartoq, ”soqutigisaqaqatigiinnit assigiinngitsunit siunnersuutaanera” oqaatigineqaraluartoq?
Aviisimi Sermitsiami atuarnerusinnaavutit. Aviisi uani pissarsiariuk:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
