Killavaat Alannguat

Aallaqqaataanit sulisoqaqqittariaqalersoq

Tanbreez Miningip pisortaata Greg Barnesip Namminersorlutik Oqartussanik suleqateqarneq isornartorsiorpaa

Tanbreez Miningimi pisortap Greg Barnesip Namminersorlutik Oqartussat isornartorsiorpaa

- Akuersisoqannginnissaanik paasitinneqarnikuunngilagut, taamaattumik pakatsisorujussuuvunga.

Tanbreez Miningimi pisortaq Greg Barnes oqarpoq. Aatsitassarsioqatigiiffik Killavaat Alannguanni aatsitassarsiornissamut qinnuteqaateqaraluarpoq.

Qinnuteqaatip itigartinneqarsimanera Sermitsiaq.AG-mit paasivaa, taamaattumik suliffeqarfik nutaamik qinnuteqaasiortariaqalerpoq.

- Namminersorlutik Oqartussanit qaammatit marluk qaangiummata ataatsimeeqateqarpunga, taamatullu aalajangiisoqarsimanera aatsaat tusarpara. Tusagassiuutitigut aatsaat tusarakku sulineq eqqumiiginartippara, Greg Barnes oqarpoq.

Isornartorsiuineq
Kalaallit Nunaanni aatsitassarsiornissamut qinnuteqaateqartarnerit sivisusarnerujussui isornartorsiorpai.

Namminersorlutik Oqartussanit aamma akuersissummik itigartitsisimanerat tupaallaatigaa.

- Namminersorlutik Oqartussanik ataatsimeeqateqaqqittussaagaluarpunga sapaatip akunnerata tulliani, tassani assiginngitsunik saqqummiussassaqaraluarpunga, Tanbreezip pisortaa oqarpoq.

Powered by Labrador CMS