Aallaasit imaanut igissimagaat

Nivissat pingasut umiatsiaaraq aallarummassuk Oqaatsuni Tage Siegstad erloqinartorujussuarmik inissisimalerpoq.

Pissanganartorsiorneq aallartippoq nivissat pingasut Oqaatsuni Tage Siegstadip umiatsiaaraa aallarummassuk. Qimaanerat unippoq Qasigiannguit kujammut kitaanni nunaqarfimmi Ikamiuni, politiit annertuumik iliuuseqarnerisa kingorna.

Oqaatsuni aalisartoq piniartorlu Tage Siegstad pakatsivoq. Nivissat paaqqinnittarfimmeersut pingasut umiatsiaaqqani aallarummassuk aallaasini pingasut, timmiarsiut, patruunerpassuit, sakkuutit, motoruulia aamma sinngup-puui sisamat annaagai, aviisi Sermitsiaq allappoq.

– Ikinnerpaamik 20.000 koruuninik nalillit annaavakka, sillimmateqanngilangalu, Tage Siegstad Sermitsiamut oqarpoq.

Aallaasit atortullu allat umiatsiaaqqamiipput Poca 570-imi Yamahamik 75 hk-mik aquuteralalimmi, nivissallu taakkua pingasut umiatsiaaraq Oqaatsuni juunip 27-ani ullaassakkut aallaruppaat.

Nivissat tammaarsimasut

Nivissat paaqqinnittarfimmit najukkaminnit tammaarsimasimapput tamatumalu eqqaa ilisimavaat. Tage Siegstadip umiatsiaaraanik Qasigianngualiarput, tassanilu benziinamik tilleriarlutik kujammut Ikamiunut ingerlaqqipput. Tassanissaaq nunamut ikaarlutik benzinamik tilleqqissimapput.

Umiatsiaaqqamik aallarussineq pillugu aviisimi Sermitsiami atuarnerusinnaavutit. Aviisi uani pissarsiariuk:

Powered by Labrador CMS