aallaasit

Aallaasinut sikaaviit aamma pinerluuteqarsimannginnissaq siunnersuutigigaa

Kalaallit Nunaanni aallaasinut inatsisisit sukanganerunissaannut politiit siunnersuutaat, Demokraatineersup Justus Hansenip taperserpaa

Aallaasit pisiarinerinut aamma toqqormerammut inatsisinik eqqussinissaq, politikkikkut tapersiivigineqarnissaa sapernassasoq isikkoqarsinnaavoq.

Kisiannili Demokraatit Nunatsinni aallaasinut malittarisassat sukanganerulernissaannut pilersaaruteqarnerput.

Qanittukkut aallartoorluni ajunaartoqaqqereernerata kingorna tamanna pivoq, Justus Hansen (D) Radioaviisimut nassuiaavoq.

Ajutoornerit arlallit
- Alianartunik pisunik amerlavallaanik naammattuuisarpugut. Maani Tasiilami qanittukkut nukappiaraq qulingiluanik ukiulik aallartoornermi toqoqqammerpoq, ukiut tamaasa taamatut pisoqartarpoq.

Atuaruk: Aallaasersorneq: Meeqqat sakkunik pinnguartut

- Aallartoorluni ajutoornernik meeqqat inuusuttullu aamma inersimasut aallaasinik piareersimasunik toqutsisoornerannik allanik takoqqikkusunngilanga, taanna KNR-mut oqarpoq.

KNR-imi atuaruk: Aallaasit nalunaarsorneqartalissasut Demokraatit kissaatigaat

Aallaasit tamarmik nalunaarsorneqartalerlutillu aallaasinut sikaavinnut paarnaaqqasunut toqqorneqartalissasut, Justus Hansenip siunnersuutigaa, nammineq aallaasit aamma inuussutissarsiutigalugu aallaasit.

Siulittaasuusimasoq taperseraa
Inuit aallaasersiniaraangamik pinerluuteqarsimannginnermut uppernarsaammik takutitseqqaartariaqartut, politikeri siunnersuuteqarpoq.

Aallaasinut inatsit sukanganerulernissaannut isuma siullermeerluni partiimi siulittaasuusimasumit Jens B. Frederiksenimit (D) saqqummiunneqarpoq.

Frederiksenip taamani aallaasersortut sakkortunerusumik pineqaatissinneqartarnissaat oqariartuutigaa, qanittukkut aamma Nunatsinni Politiit oqamisaarutigaat inatsiseqarnerusariaqartoq.

Atuaruk: D: Pineqaatissiinerit sakkortunerujussuusariaqarput

Powered by Labrador CMS