Piniarneq
Aallaaniat pikataasut
Sunngiffimmi aallaaniartartut affangajaat pisaminnik nalunaarsuisimanngillat. Pisatik nalunaarsunngikkunikkit ukiuni tallimani piniarsinnaatitaajunnaaratarsinnaapput
Pilerineq angisaqaaq tuttunniarneq uumasunilluunniit allanik piniarneq aallartikkaangat. Piumassuserli annikinnerusaqaaq pisat namminersorlutik oqartussanut nalunaarutineqartussanngoraangata. Taamatut pikataaneq ukiut tallimat angullugit tuttunniarsinnaajunnaarnermik kinguneqarsinnaavoq. Pisanik nalunaaruteqartoqartannginneratigut naapertuuttumik tuttutassiiniarneq ajornakusoornerulersartoq namminersorlutik oqartussat nalunaarput.
Piniarnermut naalakkersuisoqarfik siorna pisanik nalunaarsuutinik suliarinnereersimalerpoq, aallaanialli ilarpassui pisaminnik nalunaarsuisimanngillat. Sunngiffimmi aallaaniartartut aammalu inuussutissarsiutigalugu piniartut siorna pisaminnik nalunaarutiginnissimanngitsut ukioq manna tuttunniartoqalerpat kalaaliaqqameersunik isumalluuteqatariaqalersinnaapput namminneq pisaqaratik.
Pisanik nalunaaruteqartarneq marloqiaavoq. Siulleq tassaavoq piniakkanik assigiinngitsunik ataatsimut nalunaarutiginnittarneq. Aappaa tassaavoq tuttunniarsinnaanermut umimmanniarsinnaanermullu akuersissutinik utertitsineq tassanilu allaqqasussaavoq tunnoqassuseq pisallu angutiviaanersut kulavaanersulluunniit. Pisanik nalunaarutit tamaasa tunniussimatinnagit tuttunniarsinnaanermut umimmanniarsinnaanermullu akuersissummik nutaamik pissarsisoqarsinnaanngilaq.
Inuussutissarsiutigalugu piniartut pisaminnik nalunaarsuillaqqinnerupput sunngiffimmili aallaaniartartut affangajaasa 2016-mi pisatik nalunaarutigisimanngikkaat.
Suliaq pillugu AG-mi paasisaqarnerusinnaavutit: