Skip to main content

Aalisartut ilisimasanik avitseqatigiipput

Nuna tamakkerlugu aalisarneq pillugu isumasioqatiginnissarsuarmut sapaatit akunneri pingasuinnanngortut isumasioqatigiinnissaq pissarsiffiulluassagunarpoq, tamanna sioqqullugu aalisarneq kattuffinnit aalisartunillu misissuiffigineqarluarsimalluni

Qaleralinniarneq eqqarsaatigalugu suli pitsanngorsaanissamut iluarsaassinissamullu inissaqarpoq. Tassa inerniliiernit ilaat qaleralinniarneq pillugu pingajussaa isumasioqatigiinnerup kingorna, taannalu KNAPK-p aaqqissuupput. Kingullermik Upernavimmi, tassani Upernavik Seafood suleqatigalugu.
Isumasioqatigiinnerni siunertaasimavoq aalisarnermi nungusaataanngitsumik aalisarneq pitsaassutsillu qitiutinnissaat aammalu aalisartut, biologit, ingerlatsiviup suliffissuaqarfiullu paaseqatigiinnissaat. Ilisimasanillu avitsinikkut oqaloqatiginnikkullu ingerlanneqarsimasutigut, tamatuminnga sammisallit tamarmik, aalisartut kattuffiit tunisassiorfiillu nuna tamakkerlugu aalisarneq pillugu isumasioqatigiinnissarsuarmi, sapaatit akunneri pingasut qaangiuppata pisussami, naapeqatigiissapput.
Upernavimmi aalisartut ikkannersuit aalisagaqarluartut, aalisarfiillu peqarpianngitsut tikkuarpaat allattorlugillu. Paasissutissats, siunissami pisassiisarnermut tunngaviusinnaasut. Tunisassiassaq pisisartunut Europamiuusinnaasunut Asiamiuusinnaasunullu apuunnissaata tungaanut pitsaasuutittuarumallugu qajassuartumik tunisassiarineqarnissaa pingaaruteqarluinnartuusoq tunisassiorfinnit erseqqissaatigineqarpoq. Qajassuartumimmi tunisassiarineqanngippat akia appassaaq iluanaaruteqarfiunngitsumillu tunisassiarineqassalluni.
Isumasioqartigiinneq aalisartut eqimattakkaarlutik sulinerannik (workshop) naggaserneqarpoq, peqataasut aalisartut politikerit kattuffiillu ataatsimoorlutik pitsanngorsaatissanik ujarlerput. Ilaatigut isumaqatigiissutigineqarpoq immikkoortut makkua nuna tamakkerlugu isumasioqatigiinnissarsuarmi sammineqassasut:
Aalisagaqassuseq aalaakkaavoq aalisakkallu ikiliartornerannut takussutissaqarani
Pisassiissutigineqartartut annertusineqartariaqarput qerititsiviillu allineqarlutik
* Sumiiffiit ilaanni talittarfeqarneq aaqqiivigineqartariaqarpoq, kran-itigullu aamma siuarsaasoqarluni
Aalisakkat allat (saarulliit, qeeqqat il.il.) tunineqarsinnaalernissaat suliniutigineqartariaqarpoq
Piujuartitsineq ingasattajaaraluni paasisariaqanngilaq, pinngortitap nammineerluni piujuartitsinermik illersuisarnera paasineqartariaqarpoq  * Pitsaanerusumik tunisassiassanik passussineq angallatini anginerusuni qularnaanneruvoq
Tunisassiorfiit sulisussaaleqisarnerat iliuuseqarneruffigisariaqarpoq
Upernaviup eqqaani qalerallit suffinerisa nalaani qalerallit suallit sulilu sualaallit  imaappoq suffeqqammersut - aalisartunit naammattoorneqakkajuttarput, soorngunami aamma immussui kuuttut
Uumasut nerisareqatigiinnerat peqassutsimut pingaaruteqarluinnartoq oqariartuutaavoq. Eqalussuit assut qaleralittortuupput, taamatut ipput aamma qilalukkat. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER