Skip to main content

Aalisartut amerlanerusunik pisassinneqaqqupput

– Namminersorlutik Oqartussat naliliinerannit saarulleqarnerujussuuvoq, aalisarnertut piniartullu kattuffiat KNAPK oqarpoq

2016-imi saarullittassiissutit 80 procentimik amerlillugit 45.000 tonsinngortissigit.

Taamatut kajumissaarivoq aalisartut piniartullu kattuffiat KNAPK, isumaqarami Aalisarnermut Naalakkersuisoqarfiup saarulleqassusianik naliliinera appasippallaartoq.

Ukioq mannatut amerlatigisut

Naalakkersuisoqarfik 2016-imut 25.000 tonsinik saarullittassiivoq, tassa ukioq mannamut pisassiissutitut amerlatigisunik.

Aalisartulli saarullippassuaqarnerarpaat tamanna pissutigalugu pisassiissutit qaffanneqarsinnaasoraat.

Ataatsimoortorpassuit

– Takunninnerit tamarmik takutittarsimavaat saarulleqarluaqisoq, Paamiuniit avannamut Qeqertarsuup Tunuata tungaanut saarullinnik ataatsimoortorpassuaqarpoq. Aamma avannarpasinnerusumi ataatsimoortorpassuaqartarpoq. Allaammi Kullorsuarmi saarullittarneq nalinginnaalersimavoq, kattuffiup siulittaasua Henrik Sandgreen tusagassiorfinnut nalunaarutikkut erseqqissaavoq.

Aalisartut nalunaarutigisartagaat tunuliaqutaralugit KNAPK-p siulersuisuuneri naliliipput maanna ukioq kaajallallugu saarullinniartoqarsinnaalersoq. Pingaartumillu Paamiuniit Ilulissanut ataavartumik amerlasuunik pisaqartoqartarsinnaavoq.

Aningaasaliisinnaanngillat

Tamatuma saniatigut siulittaasup tikkuarpaa ukioq manna saarullittassiissutit nungungajalersut - aali sinerissami sumiiffippassuarni tunisinermi killilersuisoqartarsimagaluartoq.

– Aalisakkanik tunisassiornerup ineriartorteqqinnissaanut tunngavissaapput tunisassiassat amerlanerusut. 25.000 tonsit ikippallaaqaat tunisassiortut nunami tunisassiornermut annertunerusumik aningaasaliissuteqarnissaannut, KNAPK-p siulittaasua allappoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER