Skip to main content

Aalisartut 40 procentimik amerleriartut

Kalaallit Nunaat nunaavoq aalisartoqarfik tulluusimaartoq. Nunamili sumiiffimmi ataatsimi periarfissat pitsaanerusumik atorluarneqarsinnaapput, tamannalu qanoq iliuuseqarfigineqassaaq: - Maani aalisakkat amerliartorlutillu alliartorput, aalisartut namminneq oqarput.

Kisitsisit tusartareerpavut. Kisitsiserujussuupput.

Taakkuali ataatsimoortillugit saqqummiunneqarpata soorlu Namminersorlutik Oqartussat nalunaarusiaanni nutaami, tamanna uissuummisitsissaaq:

- Aalisakkanik qalerualinnillu avammut nioqquteqarneq Kalaallit Nunaata nioqqutissanik avammut nioqquteqarnerata tamarmiusup 99 procenteraa. Taakkua ataatsimut katillugit 5,9 milliard koruuninik naleqarnerat allassimavoq. Taakkua naalagaaffimmit ukiumoortumik ataatsimoortumik tapiissutinit 2 milliarder koruuningajannik amerlanerupput.

Aviisi AG taama allappoq.

Kisitsisillu soqutiginartut arlaqarput: Kalaallit Nunaanni sulianit tamanit 15 procentiinnaat aalisarnermik suliaqarput. Allatut oqaatigalugu imarsiortunut qujanissaq inissaminiippoq. Tuusintit arlaqanngitsuinnaapput, inuiaqatigiinnulli nalilinnik pilersitsisorujussuarmik suliaqarlutik.

Aalisarnerup avammut tunisinikkut isertitaqarluarnerunissaa periarfissaqarluartoq nalunaarusiami takuneqarsinnaavoq, nalunaarusiallu qulequtaraa »Tunumi aalisarnerup ineriartortinneqarnissaanut nalunaarusiaq«.

Annertusaaneq

Piffissami matumani Tunumi sinerissap qanittuani aalisarnermit iluanaarutit annikipput. 2022-mi aalisartut 64-iinnaat aalisakkanik tunisaqarput. Namminersorlutik Oqartussat nalunaarusiaat naapertorlugu tamanna allanngortinneqassaaq, Naalakkersuisoqarfimmi siunissamut anguniagassat pillugit nalunaarusiami ima allappoq:

- 2030-mi aalisartut 40 procentimik amerleriassapput

- 2030-p tungaanut pisassat 30 procentimik annertusineqassapput.

- 2030-mi aalisartut aalisarnermikkut isertitaat 25 procentimik qaffassapput.

Aviisimi AG-mi atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER