Skip to main content

Aalisartoq: Sinerissap qanittuani aalisarneq aningaasaatilissuanngortitsineq ajorpoq

Sinerissap qanittuani umiatsiaararsortut mikinerusunilluunniit aalisariutaatillit, aalisarnermi unammilligassarpassuit aqussinnaanngikkunikkit, aningaasaatilissuanngornissaat ajornakusoortoq, Ilulissani aalisartoq misillittagartooq isumaqarpoq.

Sinerissap qanittuani qalerlalinniat suk­kasuumik amerlasuunillu aningaasar­siupallassinnaasarput. Umiatsiaararsortulli mikinerisunillu aalisariutaatillit sullisitik gummitillu, atisanik ipiitsunik kusanartunillu aningaasaatilissuartut atugassaminnik taarserusukkunikkit, tamanna ajornakusoortissinnaavaat.

Aviisi Sermitsiaq taama allappoq.

Sinersissammi qanittuani qaleralinniarnermik inuussutissarsiuteqassagaanni unammilligassarpassuaqarpoq, tamannalu aalisartut ilaannut oqimaassinnaasarpoq. Naak aalisartut ilaat umiatsianik angisuunik 350 hestenillu sakkortutigisunik motoorilinnik angallateqarlutillu arlariinnik qamuteqaralaqartaraluartut, taamaattoq aalisartutut aningaasarsiat ilaqutariit siunissami pigissaarnerulernissaannut qulakkeerinninnissamut naammanneq ajorput. Taama aalisartoq Iluliarmiu misilittagartooq 70-inik ukiulik, 35-fodimillu angitigisumik aalisariutaateqartoq, Peter Olsen isumaqarpoq.

Inuttassat ajornakusoortut

Ukiup taamaasinerani Ilulissat eqqaani qalerallit tammakarsimaaleraagata, aalisarneq amerlasuutigut kangerlunni, soorlu Ilulissat kangerluani Torsukattammilu ingerlanneqarnerulertarput. Ukiullu kingulliit qaleralinniarnissamut akuersissutaatillit amerliartorneri ilutigalugu Ilulissat eqqaani aalisarfinni tattorliuunneq annertusiartuinnarpoq. Aalisarsinnaanermullu akuersissutit amerliartorneri ilutigalugit angallataatillit inuttassaqarniarnerat ajornakusoornerulersarpoq, angallatini inuttaasarsimasut amerlasuut namminneerlutik allagartaqalertarneri pissutaalluni. Taama oqarpoq ukiorpaalussuanngortuni Ilulissat eqqaani aalisarnermik misilittagaqarlualersimasoq, Peter Olsen.

– Angallatini mikinerusuni inuttassaaleqineq pissutigalugu angallataatillit ilaat ilaatigut aalaakkaasumik aalisarsinnaaneq ajorput. Aammali inuttaasartut aalisariu­tini anginerusuni aalisarusunnerusarput, tamakkunani atortorissaarutitigut atugarissaarnerusaramik. Tamannalu mikisunik aalisariutaatillit isertitaannut aamma malunniuttarpoq, Peter Olsen, oqarpoq.

Aviisimi Sermitsiami atuarnerusinnaavutit. Aviisi uani ataani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER