Upernavik
Aalisartoq Uummannameersoq: Atugarissaarnerulerpugut
Aalisartoq Samuel Davidsen isumaqarpoq, Naalakkersuisut nutaat siuliminnit aalisartututpiniartutullu inuussutissarsiornermut paasinninnerusut. Taamanimi biologit aalisarnermut aqutsisuupput
Aalisartoq Samuel Davidsen, Ikerasammiit Uummannamut nuunerusoq, Uummannap eqqaani qimusserluni sikukkut ningittagarsorluni qaleralinniartoq, inuusuttuaraallunili qaleralinniarnermik inuussutissarsiuteqarpoq.
Ukiut ingerlanerini qaleralinniarnermik inuussutissarsiuteqarneq naammaginartutut, inuussutigineqarsinnaasutullu nalilerpaa, naak pisassanik killersuisoqaraluartoq.
Aalisartunulli inuuniarnikkut pissutsit ilungersunartumut sangupput 2009-mi Inatsisartunut qinersinermi Inuit Ataqatigiit, Demokraatit aamma Kattusseqatigiit Partiiat naalakkersuisooqatigiissallutik isumaqatigiissuteqarmata. Samuel Davidsen, ukiut kingulliit politikkikkut ineriartorneq pillugu naliliivoq.
- Taamanikkut Ane Hansenip, Inuit Ataqatigiinniit, Aalisarnermut Piniarnermullu Naalakkersuisuunerata nalaani, biologit tusaaniarneqarpallaarsimapput. Ilaatigut allaannginnami biologit Naalakkersuisunngortut. Taakku oqaasii piumasaallu malinneqarpallaarsimapput, aalisartut piniartullu iluamik tusaaneqaratik. Piffissami tassani inuuniarnikkut aningaasaqarnikkulllu ilungersoqaagut.
Qaasuitsup kommuniani susoqarnersoq sapaatip akunneranut saqqummertartumi Tamanut Avannaanimi atuaruk. Oqaluttuap sinnera tassani atuaruk. Aviisi akeqanngitsumik uani pissarsiarisinnaavat: