Aalisartoq ukiuni 61-ini aalisartuusimanermini eqqamasalikkersaarumminik saqqummiussisoq

75-inik ukiulik Marius Olsen ukiuni 61-ini Kitaani aalisartuullunilu piniartuusimanini pillugit atuakkiami nutaami oqaluttuarpoq.

,Aalisartoq piniartorlu 75-inik ukiulik Marius Olsen atuakkiortutut 'Malissuit ataanni' pissanganartumik qulequtsiullugu pernarluni saqqummersitsivoq.

Marius Olsen aalisartutut piniartutullu 1960-imili pingaarnertut inuussutissarsiuteqarsimavoq. Pernarlunilu atuakkiortup atuakkiamni inuussutissarsiutigisimasani pingaarnertut sammisimavaa.

Marius Olsernip atuakkiamini oqaluttuarai meeraanini, inuusuttuunini aamma qanoq ililluni aalisarnermik inuussutissarsiuteqalersimanini. Mariusi KGH-mi allaffimmiutut ilinniartunngorsimavoq kiisalu illoqarfimmi telegramminik agguaasartunngorsimalluni. Ingerlaannarli paasisimavaa ilinniartinneqarani taasakuluinnaalerluni.

Taamaammallu suiffimminit soraariarluni angunni Qeqertarsuup Tunuani kutteriminik aalisartoq ornissimavaa.

Aalisartut piniartullu allat eqqaaneqarnerat ataqqiniaraa

Tamanna pivoq 1960-imi. Ukiuni tulliuttuni 61-ini Marius Olsen aalisartuuvoq, puisinniartuulluni, tuttunniartuulluni aamma arfanniartuulluni. Inuussutissarsiutillu taakkua allanngoriartornerpassui nammineq timimigut misigisaqarfigalugillu eqqaamasaqarfigalugit.

- Atuakkiama “Malissuit ataanni”-mik atserneranut peqqutigaara imaatigut
inuussutissarsioqatigisimasama imarsuarmi “iliveqalersimasut” atuakkiama ilaani oqaluttuarisakka, aammali allat atuakkianni eqqaaneqanngitsut, eqqaaniarlugit ataqqiniarlugillu, Marius Olsen tusagssiorfinnut nalunaaruteqarnermi oqarpoq.

Powered by Labrador CMS