Qaasuitsoq
Aalisartoq tamaaneqartoq piumassutiminnik ikiuttunit helikopterimillu ujarneqarpoq
Politiit neriuutigaat innuttaasut paasissutissiissutaat ujarlernermi kinguneqartitsisinnaassasut
Qaasuitsumi politiit Qeqertarsuup Tunuani aalisartoq tammaaneqartoq Elias ´Varaq´ Fleischer suli ujaaraat.
Air Greenlanip helikopteria S-61 ujaasinermi peqataatinneqalerpoq, tamatumunngalu atatillugu Qeqertarsuup Tunuani illuaqqat arlallit misissuiffigineqarsimapput.
Tamatuma saniatigut tamaani aalisartut arlalissuit piumassutsiminnik namminneq angallatiminnik ujarleqataapput, Qeqertarsuup Tunuata ilarujussua angalaffigalugu.
Ajoraluartumik aalisartumik ujarlerneq suli kinguneqarsimanngilaq. Taamaattumillu politiit Elias Fleischer suli ujaaraat, tamatumunngalu atatillugu innuttaasunit, taassuma sumiissinnaaneranik ilisimasaqarsinnaasunit takunnissimasinnaasunilluunniit, tusagaqarusuttorujussuupput.
Ilulissani politiit telefon 70 14 22 atorlugu attaveqarfigineqarsinnaapput.
59-inik ukiulik Elias ´Varaq´ Fleischer kingullewrmik takuneqarpoq marlunngornermi oktobarip 4-aanni, Ilulissat avannaani nunaqarfiup Oqaatsut eqqaani umiatsiaaqqamik aalisartoq.
Kingorna Elias Fleischer takuneqarsimanngilaq, annertuumillu ujarlertoqaraluartoq suli nassaarineqanngilaq.
Elias "Varaq" Fleischerip ilisarnaatai
Angut kalaaleq
Nalinginnaasumik timilik
Kakkivissamigut umeeralik
Tammaaneqalerami atisat suut atornerai ilisimaneqanngilaq
Umiatsiaaraa:
Umiatsiaaraq Q-17 qaqortumik qalipaatilik, mikisumik hardtop-ilik aappalaartumik nuulimmik, nalinginnaasumik umiatsiaaqqani "Poca"-ni atorneqartartumik
Yamaha 115 hk-mik motoorilik