Sermiligaaq
Aalisartoq: Sermiligaap eqqaani uuliaarluerneq takuara
Iluliamernit akornanni uuliqarpoq, aalisartoq inuusuttoq oqaluttuarpoq, taassumalu qaammammi kingullermi uuliaarluerneq oqartussaasunut nalunaarutigaa
Aalisartup Sermiligaarmiup 26-nik ukiullip Joel Bent Uitsatikitsip aggustip qiteqqunnerani oqartussaasunut nalunaarutigaa Sermiligaap Kangerluani, Tasiilap avannaaniittumi, imaani mingutsitsisoqarsimasoq.
Aalisartup qularutiginngilaa tamanna uuliaasoq.
– Tamanna qalipaataatigut takuneqarsinnaavoq. Uulia 5 - 6 meterinik kaajallannertut annertussuseqarpoq iluliamernillu akornanniilluni. Sinerissamit 6-7 kilometerinik avasitsigisumiippoq, taamaattumillu qaqutigoortorujussuuvoq. Nunamit taama ungasigsigisumi taamaattumik takunikuunngilanga, Joel Bent Uitsatikitseq oqaluttuarpoq, taassumalu aalisarluni uuliakoorneq takusimavaa.
Uulia nassaarineqanngilaq
Kingorna oqartussaasut tamanna misissorpaat, uuliaarluertoqarsimaneranilli uppernarsaatissarsisoqanngilaq. Tamanna pissutigalugu aamma ilisimaneqanngilaq uulia type sunaanersoq qanorlu annertutiginersoq. Aamma tamaanimiut anngallataasa marluk sumiiffimmi tamaani uulia ujarsimagaluarpaat.