Skip to main content

Aalisarnermut naalakkersuisoqarfik: Ima angusaqareerpugut

Ingerlatsinermut misissuinerup annertusisap qulaajagaasa kingunerisaanik suliassaqarfinni arlalinni aqutsineq iluarsineqareersimasoq, aalisarnermut naalakkersuisoqarfiup tusagassiuutinut nalunaarummi nassuiarpaa.

Ingerlatsinermik annertusisamik misissuineq pingaartillugu tiguneqarsimasoq, aalisarnermut naalakkersuisoqarfiup naqissusissallugu pingaartippaa, taamaalilluni pissutsit Kukkunersiuinermut Ataatsimiititaliap “sakkortuumik isorisarialittut” nalilersimasai innuttaasut aamma aalisarnermik inuussutissarsiortut iliuuseqarfigineqarneri qularutigissanngimmatigit.

Ingerlatsinermut misissuineq annertuvoq, avataasiorluni aamma sinerissap qanittuani aalisarnermi tunngaviusumik ajornartorsiutinut arlalinnut tunngavoq.

Piginnittuunermut uppernarsaatit
Piginnittuunermut uppernarsaatinut piumaneqarsimanngitsunut tunngatillugu, naalakkersuisoqarfik ima allappoq:  

Piginnittuunermik uppernarsaatit, nunami sumi nalunaarsorneqarsimanerannut uppernarsaatit angallatillu angissusaannut uppernarsaatit suliaqannginnermi qinnuteqaammut qinnuteqaatini ataasiakkaani ilanngunneqartarnissat piumasaqaataavoq, ukiup siulianut sanilliullugu piginnittut allanngorsimanerat, ingerlatseqatigiiffiup taannaaginnarnera angallatillu allanngorsimannginnera apeqqutaatinnagu.

Tamanna oktobarimi 2020-mili iluarsineqarnikuuvoq.

Sinerissap qanittuani aalisarnermut qinnuteqaatit malinneqarsimanngitsut pillugit:

- Qinnuteqarnissamut killissarititaq taanna atuutitinneqarnikuunngilaq, tassa aalisartut sinerissap qanittuani ukioq tamaat aalisarsinnaanissaasa qulakkeerneqarnissaa politikikkut kissaatigineqarmat. Nalunaarut pineqartoq tamassuma kingorna nutarterneqarnikuuvoq qinnuteqarnissamullu killissarititamik imaqarunnaarnikuulluni.

Akuersissutinik tunniussisarneq
Akuersissutinik tunniussisarnermut itigartitsinermulluunniit tunngatillugu maanna ingerlatsineq inississimasoq, naalakkersuisoqarfik isumaqarpoq, decembarillu 18-anni 2020-mi nalunaarummut innersuussilluni:

- ... tassani § 8-mi ersarissumik allassimavoq ingerlatseqatigiiffik ukiup siuliani aalisarsinnaanermut akuersissuteqarnikuuppat aalisarsinnaanermut akuersissummik tunineqarsin¬naasoq. Qinnuteqartut aalajangersagaq taanna innersuussutigalugu akineqartarnikuupput, tamannalu naamalluinnartutut isigineqarnikuuvoq.

- Naalakkersuisoqarfilli aqutsinermi misissuinermi inassuteqaatit tunngavigalugit aqutsinermi suleriaatsimik sukaterinikuuvoq, taamaalilluni piumasaqaatit avataasiorluni aalisarnermik nalilersuinerit tunngavigineqartut tamatigut innersuussutigineqartarlutik, tamannalu nalunaarummi § 12-imi maannakkut allaqqavoq.

Iluarsiinerit allat
Aammattaa immikkoortoqarfimmi pisortap Birgitte Jacobsenip ilisimatitsissutigaa, sinerissap qanittuani aalisarnermi nalunaarsuinerit nukittorsarneqarsimasut, taamaalilluni maanna qinnuteqartut, itigartinneqartut allallu amerlassusaannik kisitsisinik takussutissaateqartoqalerluni.

Aalisarnermut naalakkersuisoqarfiup naqissuserpaa, “Aalisarnermik aqutsinermi suliassanik suliarinnittarnermut ilitsersuummi erseqqissaaqqittoqartussaavoq, aamma sinerissap qanittuani aalisarnermik aqutsinermi, aamma inatsimmut atuuttumut tunngatillugu suleriaaseq sukaterneqareernikuuvoq.”

Læs hele sagen:

  1. Yderst kritisable forhold i fiskeridepartementet
  2. Sådan sjuskes der i fiskeridepartementet
  3. Erik Jensen er tavs - næsten
  4. Immanuelsen tunuartariaqarpoq
  5. Immanuelsen skal trække sig
  6. Sagsbehandling følger god forvaltningsskik
  7. Aqutsinermi pitsaasumik suleriaaseqartoqarpoq
  8. Fiskeridepartementet rydder op
  9. Kim aalisarnermut tunngatillugu suliami akisussaavoq
  10. Pilen peger på Kim i fiskeriskandalen
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER