Skip to main content

Aalisarnermut inatsit: Naalakkersuisoqatigiit Demokraatillu kisimik ingerlatsipput

Aalisarnermut inatsisissaq suliarineqalerpat, Naalakkersuisut nuna tamakkerlugu isumaqatigiissuteqarnissaq sulissutiginissaa kissaatigerpasinngilaat. IA Naalakkersuisunut tatiginnikkunnaarput, partiimi siulittaasoq naqissusiivoq.

Aalisarneq pillugu ataatsimiititaliarsuup saniatigut partiit naalakkersuisoqatigiit aamma Demokraatit, politikkikkut eqimattanik malinnaasoqassasoq Naalakkersuisut aalajangiipput.

Naalakkersuisut marsip arfineq-pingajuanni imaqarniliaanni uku aalajangiunneqarput:

”eqimattamik malinnaasumik politikerinit ilaasortaaffigineqartumik pilersitsisoqassasoq, taanna partiinit naalakkersuisuutitaqartunit ilaasortaaffigineqassaaq. Siumut, Atassut, Nunatta Qitornai ataatsimik sinniisuuteqassapput aamma partii naalakkersuisuutitaqartunut tapersersuisoq Demokraatit ataatsimik sinniisuutitaqassapput”

Matu matuneqartoq

Taamaalilluni Partii Naleraq, Suleqatigiissitsisut aamma Inuit Ataqatigiit mattunneqarput, taakku Inatsisartunut qinersinermit kingullermi kalaallit innuttaasut 42 procentiinut sinniisuupput.

- Suliap ingerlanneqarnerat isorinartorujussuuvoq. Peqataatitsisoqarnikuunngilaq. Ammasumik ingerlatsisoqanngilaq. Suna tamarmi matut matullugit ingerlanneqarpoq, Naalakkersuisunuku aamma Demokraatit suna toqqorterniaraat? Maanna nassuiaasariaqalerput, partiit illuatungiliuttut annersaanni siulittaasoq, IA, Muté B. Egede kamappaluttumik taama oqarpoq.

Ernumalluinnartoq

Nunap pingaarnertut aningaasarsiutaanut tunngatillugu ikitsuinnarnit isumaqatigiissutigineqarnissaa, taassuma ernumassutigilluinnarpaa.

- Siornatigut oqariartuutigisimasa akerleralugit Naalakkersuisut nuna tamakkerlugu isumaqatigiissuteqarnissaq anguniarsimanngilaat. Nunap toqqammavia tassani pivarput. Inuiaqatigiit atugarissaarnitsinnut toqqammavipput immeraatissaanngilaq. Akerlianik sivisuumik atasinnaasumik aaqqiissummik nassaartoqassaaq, aaqqiissut partiinik tamanik peqataatitilluni tunngaveqartussaq aamma minnerunngitsumik aalisarnermik inuussutissarsiortunik, IA-mi siulittaasoq naqissusiivoq.

- Maanna uani suliami arlalinnik ersernerluttoqarmat, Naalakkersuisunut tatiginnikkunnaarpugut. Inuussutissarsiuteqartut aamma qinersisartut affaasa missaat peqataatinnagit, aalisarnermut inatsisissaq suliarineqarsinnaanngilaq, Múte B. Egede oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER