Aalisarnermut inatsit: IA ataatsimeeqatigillatsiarneqarpoq
IA-mi siulittaasoq Múte B. Egede ullumi kaffisorluni ataatsimiinnissamut Aalisarnermut Naalakkersuisumit Nikkulaat Jeremiassenimit aggersarneqarpoq. Partiit illuatungiliuttut annersaanni siulittaasup ataatsimiinneq kisianni pikkuginngilaa.
- Nuannaarutigaara Aalisarnermut Piniarnermut Nunalerinermullu Naalakkersuisoq naliginnaasumik ullaap tungaani kaffisoqatigigatsigu. Taamaattorli oqaloqatigiinnitsinni kissaateqarfigaara aalisarneq pillugu ataatsimiititaliarsuup sulilluni aallartinnginnerani oqaloqataatinneqarnissatta piviusunngortinnissaa, Múte B. Egede ilisimatitsivoq, Naalakkersuisut akisussaaffimmik tigusinissaannik taanna kissaateqarpoq.
Taamatut kissaateqarnerup piviusunngortinneqarnissaa neriorsuutigineqanngilaq.
Peqataatitsisoqarnissaa kissaatigigaa
IA aamma partiit allat illuatungiliuttut aalisarneq pillugu ataatsimiititaliarsuarmut suliassanik immersueqataasariaqaraluartut “Demokraatit periarfissinneqarnerattuut”, partiimi siulittaasup Nikkulaat Jeremiassenimut oqaatigaa.
- Naalakkersuinikkut suliat annertuut inuiaqatigiinnullu sunniuteqartussaasut matoqqasumik ingerlanneqarnerat ullumikkut Naalakkersuinikkut ingerlatsinermi nalinginnaalersimavoq. Inuiaqatigiinni tamanna toqqissisimatitsinngilaq Naalakkersuisullu tatiginassusaannik innarliilluni. Akisussaassuseqarluni peqataatitsisumillu Naalakkersuineq ujartorpara. Suleqatigiinnerulerniarta, akisussaaqatigiinnerulerniarta inuiaqatigiillu pillugit suleqatigiiffissagut katersorlugit immitsinnut naalaarsinnaalerniarta, IA-mi siulittaasoq taama oqariartuuteqarpoq.