Aalisarneq

Aalisarnermut ataatsimiititaliaq akitsuummut akerliusoq

Aalisarnermut, Piniarnermut Nunalerinermullu Ataatsimiititaliaq qaleralinnut akitsuummut siorna novemberimiInatsisartunit akuersissutigineqartumut akerliuvoq. Akitsuut Kalaallit Nunaanni aalisartoqarfiit anginersaanni Ilulissani aalisartunut annertuumik eqquisoq, IAPP isumaqarpoq

Qaleralinnut akitsuutit nutaat akuereqammerneqareersut politikerit akornanni aalassattoqarpoq

Siorna novembarip 17-ani qaleralinnut tulaanneqartunut akitsuut 5 procenti Inatsisartut atuutilersippaat.

Akitsuutit nunatta karsianut ukiumut 20 million koruuninik iluanaarutaasarumaartut naatsorsuutigineqarpoq.

Partiini taaseqatigigaa
Naak Inatsisartuni akitsuutit pineqartut atuutilersinneqarneranni amerlanerussuteqartut akuersillutik taasigaluartut, Inatsisartut Aalisarnermut, Piniarnermut Nunalerinermullu Ataatsimiititaliaani ilaasortanit tamanna nuannarineqanngilluinnarpoq.

Ataatsimiititaliap siulittaasua Nikolaj Jeremiassen, Siumut, siunnersuummut akerliugaluarluni atuutilersinneqarnissaanut taaseqataavoq, aammali ataatsimiititaliami ilaasortaq Aqqaluaq B. Egede, Inuit Ataqatigiit, akitsuutit atuutilersinneqarnerat pillugu annertuumik akerliuvoq.

Atuaruk: Karl-Kristian Kruse: Akitsuutit suliassarinngilakka

Akerliusoq
Taamaalilluni Aalisarnermut, Piniarnermut Nunalerinermullu Ataatsimiititaliaq pingaaruteqarluinnartumik inissisimasuusoq akitsuutit atuutilersinneqarnerannut akerliulluinnarluni inissippoq. Ataatsimiititaliamimi ilaasortat isumaqarput inatsit atuutilersinneqartoq aalisartunut iluaqutaanani akornutaaginnarumaartoq.

Allaaserisaq annertuumik apersuinertalik aviisimi akeqanngitsumi Tamanut Avannaani atuaruk

Powered by Labrador CMS