inuussutissarsiorneq
Aalisarnermit kisitsisit nutaat: Ukiut tamaasa pisat amerlanerulertartut
Saarulliit aamma qalerallit tunisat amerliartorput, Nunatta Naatsorsueqqissaartarfianit kisitsisit nutaat tamanna takutippaat
Ukiut tallimat ingerlanerini upernaakkut saarulliit pisarineqartut tallimariaatinngungajapput, qaleralittallu aamma amerleriarput.
Naatsorsueqqissaartarfimmit aalisarnermut tunngatillugu kisitsinerup kingulliup tamanna takutippaa, taanna ukiup qaamataani siullerni sisamani takussutissiivoq (tabeli allaaserisap ataani takuuk).
Saarullittaarpassuit
Kisitsisit atorlugit nassuiaatit takutippaat, nunap aalisartui ukiut pingasut matuma siornamut sanilliullugu upernaakkut ullumikkut pisaqarnerusartut, aammalu saarullinnik qaleralinnillu pisat amerlatsinneqartut, raajarniarnerlu minnerusumik malunnaateqarnerujartortoq.
Saarullinniarneq kisimi ukiup qaammataani siullerni sisamani tallimariaatinngungajappoq, 2013-imi upernaakkut 1.000 tonsimit upernaakkut 2016-imi 5.000 tonsit ataatilaarlugit.
Atuaruk: Naalakkersuisoq: Amerlanerussuteqarneq amerlanerussuteqarneruvoq
Qaleralinniarnermi aamma tamanna takuneqarsinnaavoq, ukioq manna piffissami assingani (januaarimit-apriilimut) tunisineq 9.000 tonsit ataatilaarpai. 2013-imi upernaakkut aalisartut 6.000 tonsiinnarnik tunisisimallutik.
Aamma maluginiarneqarsinnaavoq, ukiup siulianut sanilliussinermi upernaaq manna Kalaallit Nunaat ukiuni arlalinni aatsaat siullermeerluni raajanik amerlanerusunik pisaqarsimavoq tabeli (takuuk).
Aalisarneq pillugu allaaserisat tamaasa uani atuakkit