Skip to main content

Aalisarnermik Siunnersuisooqatigiit Krusep saarullittassiinera illersorpaat

Aalisarnermut naalakkersuisoq Karl-Kristian Kruse saarullittassat 25.000 toniunissaannut aalajangiunneranut maanna Aalisarnermik Siunnersuisooqatigiinnit taperserneqarpoq

Saarullittassiineq pillugu oqallinnermi aalisarnermut naalakkersuisoq Karl-Kristian Kruse Siumumeersoq saarullittassiissutit 25.000 tonimut aalajangiussineranik arlalinnik isornartorsiorneqarpoq. Tamannalu biologit siunnersuutigisaannit 12.000 toniusumik marloriataa sinnerlugu saarullittassiineruvoq.

Atuaruk: Saarullinnik pissaasiineq akisussaasuseqanngitsoq Atassut isumaqarpoq

Maanna Aalisarnermik Siunnersuisooqatgiinnit aalisarnermut naalakkersuisoq Karl-Kristian Kruse taperserneqarpoq, taakkulu aamma pisassiissutit amerlineqarnerinut akisussaaqataaneq tiguaat.

Saarullittassiissutinik qaffaasimanerup qanoq ingerlasimanerata nalornissutigineqarnera ulluni kingullerni oqallisaangaatsiarsimavoq, taamaattumik paatsuunganeq tamaanna naqqiissuteqarfigissallugu Aalisarneq pillugu Siunnersuisooqatigiinni siulittaasutut pisussaaffittut isigaara, Aalisarnermut Siunnersuisooqatgiinni siulittaasoq Bent Sørensen oqarpoq.

Siunnersuisooqatigiit isumaqatigiittut
 Aalisarnermik Siunnersuisooqatigiinni siulittaasup erseqqissarpaa, 2014-imili uumassusililerisut ilaatigut saarullinnut tunngatillugu siunnersuinerat saqqummiinnartoq, kalaallit imartaani saarullittassiissutit qaffanneqarnissaat Aalisarneq pillugu Siunnersuisooqatigiit isumaqatigiittut illersorsimagaat.

- Tamatumunnga tunuliaqutarineqarpoq saarulliit amerlipiloorsimaneri.

Pingaartumik tyskit peqassutsimik misissuinerisa takutissimavaat saarulliit amerlisimasut, aammalu R/V 'Paamiut' (kilisaat saarullinniut, red.) amerlisoqarsimanera uppernarsarsimallugu, naak 'Paamiut' kisitsisaataat tyskit kisitsisaataasuulli annertutiginngikkaluartut, Bent Sørensen tusagassiuutinut nalunaarummini nassuiaavoq.

Raajarniartut iluaquserneqassapput
Aalisarnermut Siunnersuisooqatigiinni siulittaasoq tusagassiuutinut nalunaarummini allappoq, siunnersuisooqatigiinnit siunertarineqarsimasoq saarullittassanik qaffaaneq raajarnianut iluaqutaassasoq, tassami taakku misigisimavagamikku raajat taamaattumillu aamma raajartassiissutit  ikileriarujussuarsimasut.

- Saarullittassiissutit qaffanneqassappata qaffaassutaasussat qanoq amerlatigisut siunnersuutigineqarnissaat, arlalinnik peqquteqartumik Aalisarneq pilllugu Siunnersuisooqatigiit Pinngortitaleriffiullu aallartitai isumaqatigiissinnaasimanngillat. Taamaattumik aallaqqaataaniilli Naalakkersuisunut inassuteqaataasimasoq Aalisarneq pillugu Siunnersuisoqatigiinniit attatiinnarpaat, Bent Sørensen nassuiaavoq.

Atuaruk: Demokraatit siulersuisuunerini isumaqatigiinnginneq

Pisuutitsineq eqqoqqissaanngitsoq
- Maannali  saarullinnik atuipilunnermut Naalakkersuisunut ilaasortaq Karl-Kristian Kruse pisuutinneqarpoq, tamannali eqqoqqissaanngilaq, Bent Sørensen tusagassiuutinut nalunaarummi allappoq.

Taassumalu erseqqissarpaa, 'siunnersuisoqatigiit isumatuumik inassutaasa ilaannik Karl-Kristian Kruse malinnissimasoq'.

- Soorlu aamma misigisugut taamatut taassuma aalajangiisimaneratigut aalisariutaatillit saarullinniarnermut akuusut taamatuttaarlu aamma inuiaqatigiit kalaallit iluaquserneqarsimasut. Taamaattumik suliami matumani Naalakkersuisut iliuuserisimasaat siunnersuisoqatigiinnit tapersersorneqarput, Aalisarnermik Siunnersuisooqatigiit siulittaasuat oqarpoq.

Aalisarnermut, piniarnermut nunalerinermullu Naalakkersuisoq akisussaasoq Karl-Kristian Kruse Sermitsiaq.AG-p manna tikillugu apersorniarsimagaluarpaa, kinguneqanngitsumilli.

Namminersorlutik Oqartussat nalunaarutigaat taanna suliffimminut atatillugu angalasoq, Siumumiillu nalunaarutigineqarluni Malta-miittoq.

Atuaruk: Naalakkersuisooqataasut Karl-Kristian Kruse akerlilerpaat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER