Skip to main content

Aalisarneq: Halibut Greenland amigartooruteqarpoq

2020 ukioq qaleralinnik tunisassiorfimmut Halibut Greenlandimut ajorluinnarpoq, taanna 14 millionit koruuninik amigartooruteqarpoq.

2020 ukioq Halibut Greenlandimut ajorluinnarpoq. Ingerlatseqatigiiffik amigaartooruteqarpoq. Annertuumik, aviisi Sermitsiaq allappoq. 

Piginneqatigiiffik Halibut Greenland 2020-mi kaaviiaartitanit 90,9 millionit koruuninit akileraannginnermi 13,9 millionit koruuninik amigartooruteqarpoq.

Ingerlatseqatigiiffiup 2020-mut naatsorsuutaani, aqutsisut sinneqartoornissaq naatsorsuutigigaluarmassuk naammaginanngitsutut naliligaanni tamanna atuarneqarsinnaavoq.

Allatut oqaatigalugu Ilulissani suliffeqarfiup qaleralinnik tunisassiortoq ingammik sakkortuumik Royal Greenlandimit Polar Seafoodimillu Qeqertarsuup Tunuani unammillerneqartup, 900 koruuninut tunisisoqarnerani 140 koruunit missaaniittut annaasarpai.

Ingerlatseqatigiiffiup sakkortuumik unammilleqatigiinneq sungiusimavaa. Halibut Greenland 2019-imi naleqquttumik 8,9 millionit koruuninik sinneqartooruteqarpoq, 130 millionit koruuninillu kaaviiaartitaqarluni.

Akit annertuumik allanngussanngippata, aqutsisut 2021-mi sinneqartooruteqarnissartik naatsorsuutigaat.

Halibut Greenland aningaaserivimmik Savalimmiormiunit pigineqartumik BankNordikimik aningaaseriveqartoq, suliffeqarfiuvoq patajaatsoq. 2020-mi amigartooruteqaraluarluni akiliisinnaassuseqarnera 50 procentingajammiippoq. Ingerlatseqatigiiffik 35 procentinik akiliisinnaassuseqaraangat, suliffeqarfik ingerlalluartutut nalilerneqartarpoq.

Allaaserisaq tamaat uani Sermitsiami pisiarisinnaasanni atuaruk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER