Skip to main content

Aalisarneq: Aalisarnermik aatsaavissuaq qulaajaasimaneq saqqummiunneqarpoq

Aalisarneq pillugu Ataatsimiititaliarsuup oqaaseqaatit tunuliaqutissiisut saqqummiuteqqammerpai, tassani aalisarnermi pissutsit assiginngitsut saqqummiunneqartut aalisarneq pillugu inatsisissamut ataatsimiititaliarsuup innersuussuteqarnissaanut tunngavigineqassapput.

Aalisarneq pillugu inatsisissamut nutaamut innersuussutit arlallit oqaasertalersorneqarnissaannik suliaqarneq ukiuni marlunni ingerlanneqarsimavoq, maannalu Aalisarneq pillugu Ataatsimiititaliarsuup suliaqarnera ingerlalluarsimammat Naalakkersuisunut, Inatsisartunut aalisarnermillu inuussutissarsiuteqartunut innersuussutit inaarsarlugit suliarineqalersimapput.

Inaarsaaneq

- Suli marlussoriarluta ataatsimiinnissarput pilersaarutigaarput isumaliutissiissummi sammisat kingulliit inaarsassallutigit, massakkulli allallugu aallartinnissaanut naammattunik atortussaqalereerpugut. Isumaliutissiissut pilersaarutit naapertorlugit juunip naanerani piariissaaq, Jens Paulsen, Aalisarneq pillugu Ataatsimiititaliarsuarmi siulittaasoq tusagassiorfinnut nalunaaruteqarnermi oqarpoq.

Ataatsimiititaliarsuup apriilip 13-iani aqqanilissaanik ataatsimiinnerani aalajangiunneqarpoq ammasumik ingerlatsisoqassasoq, kikkut tamarmik ukiuni marlunni kingullerni nalunaarusiarineqarsimasunik, nunamilu inuussutissarsiutit annersaanni pingaarnersaannilu ajornartorsiutaasunut nassuiaataasimasunik takunnissinnaanngorlugit.

- Innersuussutissat isummerfiginissaannut naammattumik ilisimasaqarnissaq siunertaralugu tunuliaqutissiissutit ataatsimiititaliarsuarmi ilaasortanut tunniunneqarput. Tunuliaqutissiissutini sammisat qaammarsaavigineqartut paasisaqarfiginissaannut tamat tassa periarfissaqalerput, Jens Paulsen nassuiaavoq.

Killiffik unammilligassallu

Oqaaseqaatit tunuliaqutissiisut arlalinnut tunngassuteqarput, raajarniarnerullu, aamma sineriarmmut qanittumi aqutsiveqarfimmi 47-mi qaleralinniarnermi sineriammullu qanittumi saarullinniarnermi unammilligassanut nassuiaataallutik. Aamma sulisoqarnermut, ilinniartitaanermut aalisarnermilu piginnaasanik ineriartortitsinissamut tunngassuteqartut allaaserineqarsimapput. Aalisarneq pillugu Ataatsimiititaliarsuup erseqqissaassutigaa, oqaaseqaatit tunuliaqutsissiisut innersuussutinik imaqanngitsut.

Læs hele sagen:

  1. Historisk kortlægning lagt frem
  2. Uundgåeligt kollaps
  3. Ajalusoornissaa avaqqunneqarsinnaanngitsoq
  4. Fra blodrødt mareridt til overskud
  5. Amigartoorujussuarnermit sinneqartoornermut
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER