Aalisarneq pillugu inatsisiliorneq aporfissakinngitsoq
Naalakkersuisut aalisarneq pillugu inatsimmik paasiuminartumik, ullutsinnut naleqquttumik atuisunullu paasiuminartumik 2017-imili suliaqarlutik aallartipput.
Aalisarnermut inatsit ukioq manna naammassineqassaaq.
Isumaqatigiinnginnernilli suli aqqusaagaqartoqarsinnaavoq, aalisarnermummi piniarnermullu naalakkersuisup Karl Tobiasenip (S) oqarneratut, aalisarneq pillugu ataatsimiititaliarsuup isumaliutissiissutaa maleqqissaarnianngikkitsik, imaluunniit isumassarsiorfittut quppernernik 300-t sinnerlugit takissusilik juulimi 2021-mi tunniunneqartoq atorneqassasoq.
Aviisi AG taama allappoq.
Naalakkersuisut inatsisissatut siunnersuut iluatsissagunikku aammalu aalisarnermut nutaamik inatsiseqalernissaq iluatsissappat aalisarnermut attuumassutilinnik soqutiginnittunullu taavalu politikerinik suli oqaloqatiginninnissaq pisariaqarpoq. Aalisarneq pillugu inatsisiliap ingerlarnga sivisoqisoq immaqalu piareerneqartussanngortoq misissorparput.
Suliaq 2017-imi aallartippoq
Kalaallit Nunaat nunani aalisarfiusuni siuttunut ilaavoq. Nunatta karsiata nunanut allanut tunisassianit isertitai qiviaraanni 90 procentit sinnerlugit aalisarnerminngaanneerput.
Kisianni aalisarnernut inatsit kinguussaaqqasorujussuuvoq. Teknikkimut tunngasortaannaajunngitsoq kisianni aamma politikkikkut kissaatigineqartoq ”inatsisip paasiuminartuunissaa, ullutsinnut naleqquttuunissaa atuisunillu atoruminartuunissaa.”(Naalakkersuisut nassuiaataat UKA 2017, imm. 87)
Inatsisartuni partiini amerlanerussuteqartut piffissami tassani Naalakkersuisoq isumaqatigerrappaat, aalisarnermillu inuussutissarsiutillit inatsisissatut siunnersuut unitsippaat, ilaatigut raajanut killeqanngitsumik akuersissutilinnut atuukkunnaarsitsinissamik ilisimatitsinermut killiussaq ukiuni tallimanik sivisussuseqarnissaanik atuutsitsilerfiusussaagaluartoq. Aammalu aalisakkanik pisassiissutit annerpaartaat sinerissap qanittuani aalisartunut nuunneqarnissaannik siunnersuut unitsitaalluni. Inatsisissatut siunnersuut saqqummiunneqarniariartut aalisarnermik inuussutissarsiutillit ingerlaannaq akuerinagu akerlilerpaat, ilaagut Namminersorlutik Oqartussanut eqqartuussivilersuussiniarlutik taarsiivigitinnissamillu piumasaqaateqarniarlutik sioorasaarutigalugu.
Aviisimi AG-mi atuarnerusinnaavutit. Aviisi uani pissarsiariuk:
