Aalisarneq pillugu Ataatsimiititaliarsuarmut immikkut aningaasaliissuteqarneq Aningaasaqarnermut Ataatsimiititaliamit tupigusuutigineqartoq
Naalakkersuisut Aalisarneq pillugu Ataatsimiititaliarsuarmut aningaasaliissutit 1 million koruuninik ilaqqikkusuppaat. Aningaasaqarnermut Ataatsimiititaliap tamanna tupigusuutigaa, imaaliinnarlu qinnuteqaat akuersaarniarnagu.
Aalisarneq pillugu Ataatsmiititaliarsuaq corona pissutigalugu suliassaminik kinguaattooqqasupilussuuvoq, taamaammallu nalunaarusiani aatsaat 2021-mi februaarip qaammataani tunniussinnaallugu. Kinguaattoorneq immikkut 1 million koruuninik sooq aningaasaliiffigineqarniarnersoq Aningaasaqarnermut Ataatsimiititaliap paasisinnaanngilaa, taamaammallu apeqqutit arlallit akissuteqarfigineqarnissaat piumasarisimallugu.
- 2020-mi aningaasanut inatsisip akuersissutigineqarnerani aningaasaliinermi tunngavigineqartut annertunerusumik allanngortinnagit konto pingaarneq 2 mio. kr.-nik immikkoortitsivigineqaqqippoq, ataatsimiititaliamit oqaatigineqarpoq.
Nutaanik suliassaqalersimanerpa?
- Suliakkiissut suliassallu aningaasaliissutissatut kissaatit taama amerleriartinneqarnerannik tunngavissiisinnaasumik allannguuteqartinneqarsimanersut paasissutissiissutigineqassasoq ataatsimiititaliamit kissaatigineqarpoq. Aningaasartuutissat naatsorsuutigineqarsimanngitsut piffissaliussap sivitsorneqarnerata nassatarisassaatut naatsorsuutigineqartut aammalu AI2020-mi aningaasaliissutit 2 mio. kr.- nik amerlineqarnerannik matussuserneqareersimanngitsut itisilerneqarnissaat ataatsimiititaliamit kissaatigineqarpoq, Aningaasaqarnermut Ataatsimiititaliap juunip 29-ani ataatsimiinneranit imaqarniliami atuarneqarsinnaavoq.