Aalisarneq pillugu Ataatsimiititaliarsuaq oqallitsitsilersoq

Aalisarneq pillugu Ataatsimiititaliarsuup ukioq manna februaarip qaammataanili aalisarneq pillugu nutaamik inatsisiliorsimasup immikut soqutigisallit oqallitsitsinissamut qaaqqusimavai

TAKUUK: Ataatsimiinneq tamanuunersoq imaluunniit immikkut soqutigisalinnuunersoq paatsiveerussutigineqaraluarpoq. Ataatsimiinneq TAMANUUSOQ ataatsimiititaliarsuarmit Sermitsiaq.AG-mut erseqqissaassutigineqarpoq. Kingullermik aaqqinneqarpoq nal. 14.09.

Aalisarneq pillugu Ataatsimiititaliarsuup aalisarnermi periarfissat unammilligassallu pillugit oqallisissiaq sisamanngornermi decembarip aqqaneq-aappaani saqqummiutissavai.

Immikkut ittumik qaaqqusat innuttaasullu soqutiginnittut isummersuutaat aqqutigalugit Aalisarnermut Ataatsimiititaliarsuup aalisarneq pillugu nutaamik inatsisiliorluni suliaqaqqinnissamut isumassarsitinneqarumaarluni neriuutigaa.

Iliuusissatut pilersaarut

Ataatsimiititaliarsuup suliani aappaagu isumaliutissiissuteqarluni iliuusissatullu pilersaarummut inassuteqaateqarluni naammassissavai.

Tamanut ataatsimiitsitsineq Hotel Hans Egedemi ualikkut tallimat qeqqaniit ingerlanneqassaaq, nalunaaquttallu akunnerinik marlunnik sivisussuseqassalluni. Ataatsimiinnermi nutserisoqassaaq, aamma Kalaallit Nunaanni inuussutissarsiutit annersaata pingaarnersaatalu siunissami qanoq ingerlanneqarnissaa pillugu oqallinnermut innuttaasut malinnaatinniarlugit toqqaannartumik aallakaatinneqassaaq.

Powered by Labrador CMS