beskæftigelse
Aalisarneq eqaannerusumik ingerlanneqassaaq
Aalisarnermut, piniarnermut nunalerinermullu Naalakkersuisup Karl Lyberthip kissaatigaa aalisarnermi ataqatigiinnerusumik suliassaqartitsisoqassasoq
Qeqertarsuup Tunuani qaleralinniarnerup unitsinneqarneranut atatillugu aalisarnermut, piniarnermut nunalerinermullu Naalakkersuisoq Karl Lyberth oqaluttuarpoq suliniutit assigiinngitsut aallartinneqarsimasut aalisartunut piniartunullu atugassarisat nukittorsarniarlugit.
– Taamaasiorpugut aalisartut ukioq naallugu aalisarnissaminnut periarfissarissaarnerulersinniarlugit. Ullumikkutuunngitsoq, pisassat ukioq naanngitsorluunniit nungunneqartarlutik, taanna oqarpoq.
Aamma atuaruk: Qaleralinniarneq unitsinneqarpoq
– Matumani pingaaruteqarpoq tikkuassallugu aalisakkat assigiinngitsut pitsaanerusumik atornissaat kissaatigineqarmat. Qeqertarsuup Tunuani allanik aalisagaqarpoq pitsaanerusumik atorneqarsinnaasunik. Assersuutigalugu saarulliit qeeqqallu kiisalu suluppaakkat. Aalisakkat tamakkua Royal Greenlandip Ilulissani suliffgissuanut tunineqarsinnaapput. Qaleralinniarnerup aallarteqqinnissaata tungaanut kissaatiginarpoq periarfissap tamassuma atorneqarnissaa, aamma suliassaqartitsiuaannarnissaq eqqarsaatigalugu.