Aalisariutaatillit mianersoqqusipput: Aalisariutit amerlavallaaleriartorput
Naalakkersuisut aalisarnermik ingerlatsisunut nutaanut Tunumi saarullittassiinissamik aalajangernerat aalisariutinut nunattalu karsianut aningaasatigut kinguneqarnerlorujussuarsinnaavoq. Taama ilaatigut Siggummi pisortaq Frans Heilmann oqarpoq.
Annonce
Naalakkersuisut aalisarnermik ingerlatsisunut nutaanut Tunumi 7.500 tonsinik saarullittassiinissamik decembarimi 2022-mi aalajangernertik attatiinnassappassuk Kalaallit Nunaanni aalisariutit amerlavallaalersinnaanerat aalisarnermik inuussutissarsiutillit arlallit politikerinut mianersoqqussutigaat.
Aviisi Sermitsiaq taama allappoq.
Aalisarneq imminut akilersinnaajunnaarpat aalisarnermik inuussutissarsiutilinnut inuiaqatigiinnullu aningaasatigut annertuumik kinguneqarnerlussinnaavoq.
Aalisarnermik inuussutissarsiuteqartut marluk Sermitsiamut tamanna ullumi tikkuarpaat. Taakkua ilaat tassaavoq Sigguk A/S-imi piginneqataasoq pisortaasorlu Frans Heilmann.
Aviisimi Sermitsiami atuarnerusinnaavutit. Aviisi uani pissarsiariuk:
