Aalisariut nutaaq Nuummukarpoq
Nuummi aalisariutit nutaanersaat Mille Kuka 15 meteringajannik takissusilik maanna Atlantikukkoorluni nunatsinnut ingerlaarpoq
Sapaatiummat unnukkut aalisartup Nuummeersup Anthon Egedep kutteriutini nutaaq Mille Kuka GR6-56-itut nalunaarsorsimasoq nunatsinnut aallartippaa
Sermitsiaq allappoq.
Tamanna pivoq tallimanngornermi ualikkut kutteri Danmarkimi imaani angallannermut aqutsisoqarfimmit Søfartsstyrelsenimut akuerineqarmat, taamaalilluni Rødby Havnimi Anthon Egedemit tiguneqarnissamut piareerluni. Aalisariummi naalakkap naatsorsuutigaa Atlantikukkut Nuummut angalanissaq 2.200 sømiliusoq (4.000 kilometerit sinnilaarlugit) ullut 14-it missaanni sivisussuseqassasoq, aalisariut Mille Kuka sinerissap qanittuani aalisassalluni. Aqqutaani Islandimi Hafharfjördurimi unitsiassaaq tassani angallat ningittakkanut atortulersorneqassalluni.
Atlantikukkoorluni angalanermi isorartuumi Anthon Egedep inuttarissavai Knud Egede Henrik Falksenilu. Aamma Anthonip nulia Sorine ilaassaaq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
