Sisimiut

Aalisakkerivittaalersut

Nunatsinni illoqarfiit anginersaasa tulliani Sisimiuni Royal Greenlandip suliffissua aalisakkanik assigiinngitsunik soorlu saarullinnik qeeqqanillu pisiortornermi unammillertitaalerpoq. Aalisartut tunisinermi isertitaasa tamanna qaf- fariaatigisinnaavaat

Sisimiuni suliffiit nutaat 20-it missaanniittut pilersinneqassapput namminersortut suliffeqarfiutaat Enoksen Seafood A/S aalisakkerivimmik nutaamik ukiamut ammaappat taamalu Royal Greenlandip suliffeqarfiuteqarfigeriigaani unammilleqatigiittoqalissaaq.

AG taama allaaserinnippoq.

Enoksen Seafood A/S naqqaniit aatsaat aallartilinngilaq. Nunani allani pisisartussat soorlu saarulliit nerpiinik siariaannarnik tunitsivissat qulakkeereersimavaat.

Inuussutissarsiornikkut taamatut nutaaliortoqalerneranut pissutaavoq Sisimiut eqqaanni ima saarullippassuaqartigilersimammat allaat puttallaqqajaalersarlutik. Pissutsit taama ittut ukiorpassuarni naammattoorneqartarsimanngillat. Royal Greenlandilli suliffissua ullormut amerlanerpaamik 400 tonsinik tulaassiffigineqarsinnaavoq taamalu tulaassuineq killilersorneqarluni.

- Tunisassiorfiliornissamut nunaminertamik sanaartorfissamik pissarsinissarput paamaarunneqarsimammat kinguaattooqqalaarpugut. Maannali tassa naatsorsuutigaarput tunisassiorfik septemberimi imaluunniit oktoberimi ammassasoq, Enoksen Seafood A/S-mik piginnittoq Hanseeraq Enoksen oqarpoq.

Allaaserisaq AG-mi tamakkerlugu atuaruk:

Powered by Labrador CMS