Aalisakkerivissaq nutaaq Upernavimmi qalerallit akiinik qaffatsitsissasoq
Kalaallillu Nunaanni suliffeqarfiit namminersortunit pigineqartut annersaata aalisakkerivissani ukiup matuma naajartornerani ammarpagu, Royal Greenland aamma Polar Seafood Upernaviup eqqaani aalisakkat pillugit annertuumik unammilleqatigiittussanngorput
Upernaviup eqqaani qalerallit pillugit Polar Seafood A/S Royal Greenland A/S-imut, suliffeqarfiutini Arctic Fish Greenland A/S suleqatigalugu aqutsiveqarfik Upernavimmi qaleralinnik tunisassiornermi maannakkumut kisermaassisuullutik tunisassiortuusunut, unammillertussanngorpoq, Sermitsiaq allappoq.
Siusinnerusukkut Polar Seafoodip aamma Royal Greenlandillu piginneqatigiillutik suliffeqarfik maanna atorunnaarsimalertoq Upernavik Seafood A/S ingerlappaat. Upernavik Seafood aamma Royal Greenland suleqatigiillutik Upernavimmi Upernaviullu eqqaani aalisakkerivinnik arlalinnik siusinnerusukkut ingerlatsisuunikuupput. Aalisakkeriviilli takku maanna Royal Greenlandimit pigineqarlutillu ingerlanneqarput. Ukiulli arlallit Polar Seafood Upernavimmi tunisassiornermut attuumassuteqarsimanani maanna 40 millioner kruunit missaannik aningaasaliissuteqarluni utertussanngorpoq.
- Taavani qalerallit saattussallu tunisassiarinissaat periarfissarissaartutut isigaarput. Saattussat Upernaviup eqqaani pisarisartakkatta ilai Aasianni aalisakkeriviutitsinnut assartortarpagut, taamaattumik Upernavimmi aalisakkeriveqarnissaq pitsaasutut isigaarput. Namminersorlutik Oqartussaniik akuersissutit ataasiakkaat suli amingaatigaagut, taakkuli qanittumi pissarsiarinissaat neriuutigaarput, Henrik Leth Sermitsiamut oqarpoq.
Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk: