Aalisakkerivik qajartortartut peqatigiiffianut tapersersuisoq

Nunatsinni aalisakkeriviit namminersortut anginersaat, Polar Seafood, Nuummi qajartortartut peqatigiiffiat, Peqatigiiffik Qajaq Nuuk, tapersersuinissamik isumaqatigiissuteqarfigaa.

Isumaqatigiissut 2018-mi apriilip aallaqqaataaniit ukiuni pingasuni atuuttussaq, peqatigiiffiup ingerlanneqarnerata qulakkeernissaa
aammalu ilaatigut meeqqanut qaannanik sisamanik pisinissamut atorneqassapput, umiarsuaatileqatigiiffik tusagassiuutinut nalunaarummi paasissutissiivoq.

Ukiut arlaqanngitsut matuma siorna tapersersortissaaleqineq pissutigalugu qajartortartut peqatigiiffiat unitsinneqangajassimavoq, taamaammat Polar Seafoodip peqatigiiffimmut tapersiinera, Peqatigiiffik Qajaq Nuummi siulittaasuata Pavia Tobiassenip nuannaarutigaa.

- Kulturitta taassuma pingaaruteqarluinnartup tammatsaaliornissaanut annertuumik akisussaaffeqartutut misigisimavut, isumaqatigiissuteqarnikkullu taamatut iliornissatsinnut periarfissaqarluarnerulerpugut, Pavia Tobiassen tusagassiuutinut nalunaarummi oqarpoq.

Tammatsaaliuineq

Peqatigiiffimmi ukioq kaajallallugu sammisassaqarpoq. Sungiusartoqartarpoq, meeqqat ilagalugit qaanniortoqartarpoq aasamullu aaqqissuussisoqassalluni.

- Polar Seafoodimit tulluussimaarpugut peqatigiiffik nunatsinni periusitoqqanik tammatsaaliuisoq tapersersorsinnaagatsigu. Peqatigiiffik ingerlalluartoq, ullutsinnilu ineriartornerup nassataanik timersuutip taassuma puigugaannginnissaanik suliniuteqartoq pitsaasumik periarfissittariaqarpoq, Polar Seafoodimi suliassanik
aaqqissuussinermut inuttaqarnermillu suliaqartoq Bent Salling tusagassiuutinut nalunaarummi oqarpoq.

Sponsoratet har en samlet værdi på 84.000 kroner.

- Foreningen arbejder med mennesker i alle aldre, hvilket i sig selv er værdifuldt. Et godt eksempel på deres resultater er, at de sidste år vandt MIO-prisen, som blev overrakt af børnetalsmanden Aviâja Egede Lynge. Fokus på positive tiltag for børn i Grønland er værdier, vi som virksomhed gerne støtter, lyder det fra Polar Seafood.