Skip to main content

Aalisakkerivik nunaqarfimmi ammarneqalersoq

Nunaqarfimmi Napasumi saarullinnik panertunik tunisassiortoqarsinnaanngulerpoq. Nunaqarfimmi aalisakkerivissaq nutaaq ukioq mannamut arlalinnik pilersaaruteqarpoq.

Platou Fish Napasoq ApS nunaqarfimmi Napasumi aalisakkerivimmik ammaassaaq.

- Sisamanngormat inuussutissalerinermut oqartussanit nalunaarfigineqarpugut, saarullinnik panertunik tunisassiorluta aallartissinnaanngortugut. Saarullinnik aalisakkerivimmut tunisaqarsinnaaneq maanna ammaanneqarpoq, naatsorsuutigaarpullu sarulliit siulliit januaarip 15-iani tunineqarsinnaanngussasut, aalisakkerimmi nutaami pisortaq Hans Platou tusagassiorfinnut nalunaaruteqarluni allappoq.

Aalisakkerivimmi saarulliit panertut tunisassiarinissaat siullermik salliutinneqassapput.

- Neriuutigaarput nipisaat suaannik tunisassiorsinnaanermut ukiup matuma ingerlanerani akuerineqassalluta. Aamma neriuutigaarput, tuttut umimmaallu neqaannik tunisaqartoqalersinnaassasoq, nalunaarummi erseqqissaassutigineqarpoq.

Nunaqarfik 80-it missaannik inoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER