suliffissaaleqineq

Aalisakkeriviit sulisussaaleqisut

Imammit pisanik tunisassiortut arlallit aalisagaqarnerpaaffiani sulisussaaleqipput. Tamanna tunisassiornermut kingunipiloqarpoq sulisunullu aalajangersimasunut sulerulunnarluni

Halibut Greenlandip Ilulissani suliffissuata ukiut siuliinut naleqqiullugu ukioq manna sulisut aalaakkaavallaanngitsut ajornartorsiutigivallaanngilai. Tamatumunngali peqqutaanerpaavoq, Naalakkersuisut decembarip qaammataanni Qeqertarsuup tunuani pisassiissutinik qaammatikkaartunit agguaassisalernera

Sulissussaaleqineq. Tunisassiorneq aningaasartuuteqarnarnerusoq. Aamma sulisunut aalajangersimasunut patajaatsunut suleruluttariaqartunut tatisineruvoq.

Pissutsit piviusut aalisakkerivinni arlalinni aasaanerani sulisussarsiortaraluarlutik iluatsitsineq ajortuni taamatut isikkoqarput, naak suliffissaaleqisoqaraluartoq.

Nunatsinni suliffeqarfiit annersaat, Royal Greenland, nunatsinni aalisakkerivinni arfineq-pingasuusuni maannakkut sulisunik 70-inik amigaateqarpoq.

Uummannami aalisakkerivimmi inunnik 20-nik amigaateqarfiusumi sulisussaaleqisoqarnersaavoq.

- Sulisussaaleqinerup malitsigisaanik tuniniaavinni ujartorneqartutut aalisakkat suliareqqaarnagit ilivitsunngorlugit, taamaalillutalu tunisassiassat akigissaartinnerullugit, qerinasuartittariaqartarpavut, ingerlatsinermut pisortaq Niels Ole Møller, Royal Greenland, nassuiaavoq.

Allaaserineqartoq tamaat Sermitsiami atuarneqarsinnaavoq. Aviisi ataani pisiariuk:

Powered by Labrador CMS