Skip to main content

Aalisakkerinerup iluani ilinniartitaanerit nutaat

Aalisakkerinerup iluani ilinniartitaanerit nutaat aallartisarneqarnissaat pillugit, Naalakkersuisut Halibut Greenlandi oqaloqatiginissaanut aggersaarusuppaat.

Halibut Greenlandip aalisarnerup iluani ilinniarnissamut periarfissat amerlanerusut kissaatigai, kissaateqarnerlu Ilinniartitaanermut Naalakkersuisup, Doris Jakobsenip taperserpaa.

Suliniut pitsaasoq

- Aalisakkerinerup iluani ilinniarnerit assigiinngitsunik qaffasissusillit ukkatarineqartariaqarmata Naalakkersuisut suliniut pitsaasutut isigaat. Nunatsinnimi ilinniartitaanerit upalungaarsimaffigisariaqarpaat inuusuttut suliffinnut nunatta sulisunik pisariaqartitsiffigisaanut ilinniagaqartissallugit”, Ilinniartitaanermut Naalakkersuisoq, Doris Jakobsen aamma Aalisarnermut Piniarnermullu Naalakkersuisoq, Karl-Kristian Kruse isumaqatigiilluinnarlutik tusagassiuutinut nalunaaruteqarput.

Aalisarnermut Piniarnermullu Naalakkersuisup qularutiginngilaa aalisakkanik  nalitusaalluni tunisassiorneq annertusarneqassasoq suliffeqarfiup kissaataa piviusunngortinneqarpat.

Atuaruk: Halibut aalisakkerinermik ilinniartitserusuppoq

- Immikkut ukkatarerusutatta ilagaat aalisakkanik tamakkiisumik atorluaanissaq  taamaalilluta Nunatsinni isumalluutivut atorluarsinnaanerulissagatsigit, Karl Kristian Kruse oqarpoq.

Aggersaaneq

Sammisaq naalakkersuisooqatigiinnissamik isumaqatigiissummut ilaareermat Naalakkersuisut Halibut Greenland tunisassiortullu soqutiginnittut allat oqaloqatigiumallugit naapikkusuppaat. Naalakkersuisut neriupput inuussutissalerinermi ilinniarnissamut periarfissat pillugit suliffeqarfiit ilisimasaminnik avitseqateqarnissaminnut soqutiginnikkumaartut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER