ilinniartitaaneq
Aalisakkerinermi immikkut ilinniarsimasut siulliit pikkorissarsimanerminni allagartartaarput
Iliinniakkami aallartinneqaqqammersumi siullersaallutik, sulisut arfineq pingasut, specialarbejder i fiskeindustrien modul 1 naammassisimaneranik allagartartaartinneqarput.
Pikkorissaqataasut arfineq-pingasut Nuummi Hotel Hans Egedemi allagartatik tiguaat.
Ilinniagaq sisamanik moduleqartinneqartoq aallartinneqarsimavoq, nunatsinni aalisakkerinermi sulisunik pikkorissaaneruvoq.
Kommuneqarfik Sermersooq nittartakkami allaaserinnippoq.
- Nuna tamakkerlugu aalisakkeriviit, pikkorissunik aalajaatsunillu annertuumik pisariaqartitsivoq, tamannalu ukiuni makkunani annertusiartuinnarpoq, suliffeqarfiit aalisakkerivinnik nutaanik amaajortornerisigut. Tamanna akerlilersimaarniarlugu, PoLar Seafood Kitaa Seafoodilu Nuummi Majoriaq aamma INUILI suleqatigalugit, ilinniagaq specialarbejder i fiskeindustrien aallartippaat, kommuni paasissutissiivoq.
Pikkorissarnermi fagit matematik fysikkilu aamma ingerlanneqarput, soorlu aamma danskisut tuluttullu pikkorissartoqartoq, pikkorissartut nunanut allanut kingusinnerusukkut pikkorissariarsinnaaniassammata, maskiinallu aqutatik allagartartaarfigalugit. Pikkorissarneq aamma INUILI-mi procesteknikeritut ilinniakkamut isersinnaalersitsisuuvoq.
- INUILI naapertorlugu pikkorissartut arfineq pingasuusut pikkorissarnerminni, atajaatsumik takkuttarnermikkut kusanartumik takutitsilluarsimapput, Sermersooq nalunaaruteqarpoq.
Pikkorissarnermi modul 2 aamma 3 2018-imi upernaakkut ingerlanneqassaaq.