Aalisakkat kinguppaallu akii appariarujussuartut
Kinguppaat akii ukiumi kvartalimi siullermi 10 procentinik appariarsimassut, kisitsisitigut paasissutissat nutaat takutippaat, qalerallillu akia ukiup siuliani piffissap taamaalineranut sanilliullugu 17 procentinik appariarpoq.
Annonse
Kalaallit nioqqutaasa avammut tunineqartartut pingaarnersaasa ilaasa – kinguppaat, qalerallit saarulliillu akiinut tunngatillugu ukioq ajorluinnarpoq.
2020-mi kvartali siullermut akit agguaqatigiissinnerinut sanilliullugu, 2021-mi kvartalimi siullermi akit ima appariartut, Naatsorsueqqissaartarfik ilisimatitsivoq:
- Kinguppaat akii 10,1 procentinik appariarput.
- Qalerallit akii 17,8 procentinik appariarput.
- Saarulliit akii 14,5 procentinik appariarput.
Akillu nunap aningaasaqarneranut pingaaruteqarput. Nunarput 2020-mi kinguppannik 2,4 milliardit koruuninik akilinnik aamma qaleralinnik 1,4 milliardit koruuninik akilinnik avammut tunisivoq. Nioqqutit taakku marluk avammut tunisinermi nalinginut tunngatillugu akisunerpaapput.