Skip to main content

Aalisakkat avammut tunisat nalingi miliuuninik pingasunik kisitsisitalinnik apparsimasut

2021-mi aalisakkat avammut tunisat nalingi 4,4 milliarder koruuniupput.

Taamaalilluni aalisakkat avammut tunisat nalingi 459 millioner koruuninik apparsimapput, tassa 2020-mut sanilliullugu 9,4 procentimik apparsimallutik. Tamanna Naatsorsueqqissaartarfiup naatsorsusisimanerata kingulliup takutippaa.

Takussutissami ataaniittumi takuneqarsinnaasutut, avammut tunisat nalingi ukiup appassaanik appariarsimapput, 2019-imi avammut tunisat nalingi fem milliarder koruuninit amerlanerusimallutik.

Naatsorsueqqissaartarfimmit erseqqissaassutigineqarpoq, 2020-mut kisitsisinut apeqqutaasoq, avammut tunisaqarsimasut Akileraartarnermut Aqutsisoqarfimmut piffissaagallartillugu nalunaaruteqarsimanersut. Kisitsisit pineqartut taamaammat kingusinnerusukkut iluarsineqarsinnaapput.

Takussutissaq: Naatsorsueqqissaartarfik

Aalisakkat assigiinngitsut nalingisa appariarsimanerat imatut isikkoqarput:

Raajat

  • Raajat 2021-mi avammut tunisat nalingi 6,3 prcentimik apparsimapput, 150 millioner koruunit nalingannik. Apparsimanerannut pissutaanerpaavoq, akiisa 5,8 procentimik apparsimanerat, raajat tunineqartut amerlassusaat 0,6 procentimik apparsimagamik.

Qalerallit

  • Qalerallit avammut tunisat nalingi 13,6 procentimik apparsimapput, 196 millioner koruunit nalingannik. Qalerallit tunineqartut 5,9 procentimik apparsimapput, kilomullu akii agguaqatigiissillugit 8,2 procentimik apparsimallutik.

Saarulliit

  • Saarulliit avammut tunisat nalingi katillugit 14,5 procentimik apparsimapput, 61 millioner koruunit nalingannik. Saarulliit avammut tunineqartut 1,8 procentimik apparsimapput, kilomullu akii agguaqatigiissillugit 12,9 procentimik apparsimallutik.
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER