Aalisakkat akii 2018-imi qaffapput
Naatsorsueqqissaartarfiup kisitsisaatai saqqummertut kingulliit malillugit, 2018-imi kinguppaat, qalerallit saarullillu akii 2017-imut sanilliullugit qaffapput.
Annonse
Aalisakkat qaleruallillu akii ajunngivissumik ingerlapput. Tassami qaffakkiartoramik.
2018-imi ukiup kuartiata sisamaanni aalisarneqartut pingasut assigiinngitsut akii 2 procentip 14 procentillu akornanni qaffariarsimapput.
Aalisakkat qaleruallillu akiisa qaffanneri procentinngorlugit:
- Kinguppaat akii 6 procentimik qaffapput
- Qalerallit akii 2 procentimik qaffapput
- Saarulliit akii 14 procentimik qaffapput
Naatsorsueqqissaartarfiup akit naatsorsornerini kinguppaat, qalerallit aamma saarulliit agguaqatigiissillugu kiilumut akinik naleqqersuutit naatsorsuinermi nunatta avataanut akit annertunerusumik atorsimavai.
Naatsorsuutit takutippaat tunisassiat nunatta avataanut annissuunneqarneranni qanoq akeqarnersut.