Aalisakkanut karsit atoqqinneqartassapput
Aalisakkanut karsit karillu plastikkimik sanaajupput. Tamakkua atoqqinneqartassapput, Royal Greenland isumaqarpoq.
Royal Greenland Kalaallit Nunaanni 36-nik suliffissuaateqarpoq – tamakkunanilu tamani aalisakkanut karit 1000 liiterit angullugit angissusillit aalisakkat umiarsualivimmi suliffissuullu tuninisassiorfiinut assartorneranni atorneqartarput.
Karersuit manna tikillugu polyetylen-imik (PE), ilui polyuretan-skum-imik (PUR), oqorsaatitut sunniutilimmik, akullugit sananeqartarput. Taakkuli nungullaraangamik atoqqitassanngortinneqarsinnaanngillat, taamaattumillu tunisassiorfinni atorneruukkiartorlutik, aviisi Sermitsiaq allappoq.
Errorsiviusat iluarsaanneqassapput
Royal Greenlandip Polenimiut ingerlatsiviat, karinik pisoqqanik atortunik marlunnik sananeqaatilinnik pisisartoq atoqqissinnaanngorlugillu iluarsaassisartoq, suleqatigilersimavaa.
- Karit nungullavillutik nungullaraangata periarfissatuaasarpoq ikuallaasarfimmi ikuallannissaat. Tamanna pinngitsuussavarput karit nutaat atoriartulernerat ilutigalugu, tamakkualu iluarsaanneqarsinnaapput naggataatigullu tanigummik qalleqqillugit, taamaalilluni tunisassianut nutaanut atoqqinneqarsinnaanngorlugit, Lisbeth Schönemann-Paul aviisimi Sermitsiamut oqarpoq.
Aviisimi Sermitsiami atuarnerusinnaavutit, aviisi uani pissarsiariuk: