Aalisakkanut assigiinngitsunut pisassiissutissatut inassuteqaatit takukkit
Biologit aalisakkanut assigiinngitsorpassuarnut pisassiissutissatut inassuteqaatitik naammasseqqammerpaat. Allattukkat uani takukkit.
2021-mut inassuteqaatit
Siunnersuinerit atuuttut silittumik allataapput. Allamik allassimasoqanngippat siunnersuineq 2021-imut atuutissaaq. Siornatigut siunnersuutaasimasut uingasumik allassimapput.
Saarulliit
Kalaallit Nunaata imartaani saarulliit pingasunut immikkoortinneqarsinnaapput. Saarullillu sorliuneri aallaavigalugit siunnersuisoqartarpoq.
Sinerissap qanittuani, Kitaani 5.283 tons Siunnersuineq 2020: 5.537 tons
Avataani, Tunumi- Kitaatalu kujataani (Qaqortup kangerlua ilanngullugu). 6.410 tons Siunnersuineq 2020: 3.409 tons
Avataani, Kalaallit Nunaata kitaani Aalisartoqartariaqanngikkaluarpoq 2020-mitulli siunnersuisoqarpoq
Qalerallit Tunup avataani Islandimilu
Qalerallit Islandilu avinneqarput. Kalaallit Nunaata aalisarsinnaavai TAC-p tamakkiisup 37,6 %- ii.
Avataani Tunumi Islandimilu 23.530 tons Siunnersuineq 2020: 21.360 tons
Suluppaagarsuaq (S. norvegicus) Tunumi Islandimilu
Suluppaagarsuit Islandilu avinneqarput. Kalaallit Nunaata aalisarsinnaavai TAC-p tamakkiisup 10 %-ii.
Tunumi Islandimilu 38.343 tons Siunnersuineq 2020: 43.568 tons
Suluppaakkat itisoormiut (S. mentella) Tunumi immap naqqata itiseriarfiata nalaani
Takkussuuttussat ikimmata peqassutsip oqimasssusinngornera appariaateqassaaq.
Tunumi immap naqqata itiseriarfiata nalaani 914 tons 2020-mitulli siunnersuisoqarpoq
Kitaata avataani qalerallit
Qalerallit avataaniittut Kalaallit Nunaata Canadallu akunnerminni avittarpaat. Qeqertarsuup kujataani qalerallit sinerissap qanittuaniittut 2020-mi avataani qaleralinnit avissaartinneqarput.
Davis Strædemi Baffinbugtimilu (2021-22) 36.370 tons Siunnersuineq 2020: 36.370 tons
Kalaallit Nunaata Kitaani sinerissap qanittuani qalerallit
Qeqertarsuup Tunuani, Uummannami Upernavimmilu siunnersuinerit Namminersorlutik Oqartussat innersuussutaat malillugu ukiunut marlunnut siunnersuinerupput, 2021 aammalu 2022-imut.
Aamma atuaruk: Biologit sineriammut qanittumi pisassiissutissatut siunnrsuuteqartut
Qeqertarsuup tunua 4.346 tons Siunnersuineq 2019-20: 5.120 tons
Uummannaq 5.153 tons - Siunnersuineq 2019-20: 5.800 tons
Upernavik 5.068 tons - Siunnersuineq 2019-20: 5.330 tons
Immikkut ittumik siunnersuineq
Qeqertarsuup Kujataani sinerissap qanittuani sumiiffinni pingasuni 2020-imi immikkut siunnersuineq:
Sisimiut-Maniitsoq 300 tons
Nuuk 398 tons
Paamiut-Qaqortoq 222 tons
Kitaani aalisakkat allat
Qeeraq pilalik (2021-23) 1.159 tons Siunnersuineq 2020: 975 tons
Suluppaagaq qeerarlu titarnilik (2021-23) Aalisarneqanngilaq Siornatigutulli siunnersuisoqarpoq
Saarullik, sejit, kuller’illu Barentsip imartaani
Kalaallit Nunaata, Norgep Ruslandillu akornganni pisassiissutissatut isumaqatigiissutinik aalisarneq tunngaveqarpoq. Saarulliit suli amerlapput; kuller ikileriallatsiarsimapput, sej amerlerialaarsimasut.
Saarulliit 885.600 tons. Siunnersuineq 2020: 689.672 tons.
Kuller 232.537 tons. Siunnersuineq 2020: 215.000 tons.
Sej 197.779 tons - Siunnersuineq 2020: 171.982 tons.
Allat
2021-imi kinguppannut, saattussanut, avaleraasattassiissutigineqarsinnaasunut, ammassattassanut ammassarsuarnillu pisassiissutissatut siunnersuineq ukiaru saqqummiunneqassaaq.