ajoq!
Aalisakkanik tunisassiorfik 700 millionilik unitsikkallarneqartoq
Aningaasaliisartut aalisakkanik tunisassiorfissamut, umiarsualivissamut Tasiilamilu sulisut najugassaannut 700 million koruuninik aningaasaliinissamut piareersimapput. Pisassiissunilli tunniussisoqanniglaq suliniullu unitsinneqarallarpoq
- Ukioq manna makitsinermi pisassinneqannginnatta, suliniut unitsikkallartariaqassavarput, Royal Greenlandimi pilerisaarinermi pisortaq Lars Nielsen oqarpoq.
Siullermik piffimmi aallarnisaasut, Tasiilami, Sermiligaami Kulusummilu piniartunit inuttaqartut, ataatsimoorlutik suliffeqarfik Arctic Raven pilersippaat.
Tunisassiorfik nammineq pilersortoq
Siorna russit angallataannik attartorlutik avaleraasartoorniarput, iluanaarutilli Sermiligaami aalisakkanik tunisassiorfimmik pisillutik iluarsartuussillutillu atorpaat, suliffinnillu 15-inik pilersitsinissaq siunertaavoq.
Anguniakkamillu tullianik, tassa imminut napatissinnaajumallutik nammineq angallatissaminnik pisinissartik, piviusunngortissinnaajumallugu ukioq manna pisassinneqaqqinnissartik neriuutigaat.
Namminersorlutilli Oqartussani pisassiissutinik makitsinermi neriuutaat suujunnaarsinneqarpoq, sapaatimmi akunnialuisa matuma siorna pisassiissutit suliffeqarfinnut allanut agguaanneqarput.
Aasiamut niueruteqartoq
Tamattaaq suliffeqarfik Greenland Pelagic, Polar Seafoodimit, Royal Greenlandimit tuluillu aalisartitseqatigiiffiannit J. Marrimit pigineqartoq Tunup Islandillu akornanni imartamik avaleraasartoortassinneqanngitsoorput.
Piginneqataasut ilaat J. Marr suliffeqarfittut patajaatsuunerarneqarpoq, taannalu tunisassianik suliarineqannitsunik Asiamut, Europap kangianut Afrikamullu avammut niueruteqartarpoq, tunisassiornermillu annertuumik misilittagaqarluni.
2017-imi ammartussaagaluartoq
Greenland Pelagic Tasiilami tunisassiorfimmik, umiarsualivimmik, qerititsivinnik sulisullu illussaannik 600-700 million koruuninik naleqartunik aningaasaliinissamut piareersimagaluarpoq.
Tunisassiorfik aappaagu piareersimasinnaagaluarpoq.
Oqaluttuap sinnera Sermitsiami uani atuaruk