Skip to main content

Aalborgimi kalaallit ullui soqutigineqarluarput

'Grønlandske Dage i Aalborg 2017' sapaatit akunnerisa tulliani Nordjyllami ingerlanneqassaaq

2008-miilli 'Grønlandske Dage' Aalborgimi ingerlanneqartalersimavoq, illoqarfik Kommuneqarfik Sermersuumit illoqarfittut ikinngutigineqarpoq.

Aaqqissussaaq ukioq ataaseq allortarlugu aaqqissuunneqartarpoq, sapaatit akunnerisalu tulliani aggustip 24-niit 27-ata tungaanut Aalborgimi 'Grølandske Dage' ingerlanneqassaaq.

Innuttaasut, suliffeqarfiit politikkerillu ulluni taakkunani peqataassapput. Ulluni pisussat inuussutissalerinermik, kulturilerinermik, eqqumiitsuliornermik, namminersortunit pisortaniillu pilersaarusiorneqarsimapput.

Atuaruk: Nuuk Tromsømut qanillattorusuppoq

Inuussutissarsiornermut tunngasumik ataatsimeersuarneq

Ullut pilersaarusiorneqarneri pingasunngorlugit avinneqarsimapput; politikkimut tunngasut, inuussutissalerinermut tunngasut aammalu kulturilerinermut tunngasut, taakkuli ulluni 24., 25. aamma 26. august 2017 ingerlanneqassapput.

Politikkimik sammisassaqarfimmi Kommuneqarfik Sermersooq peqataassaaq, tassani Aningaasaqarnermut Inuussutissarsiornermullu ataatsimiititaliaq borgmester Asii Chemnitz Narup siuttoralugu atorfilittallu peqataassapput, kiisalu Aalborgimi sinniisit Aalborg Kommunimi borgmester Thomas Kastrup-Larsen siuttoralugu atorfilittallu peqataassapput.

Inuussutissarsiornermut tunngassutillit tallimanngornermi 25. august 2017 ulloq tamakkerlugu inuussutissarsiornermut tunngasunik ataatsimeersuartoqassaaq.

Takutitsinerit

Nordjyllandiminngaanneersut kalaallillu isiginnaartitsisartut peqataassapput. Ataatsimiinnermi Nuup Aalborgillu assigiissutaat pingaarnersaassaaq. Alliartorneq suliffissaqartitsiniarnerlu tamarmik sukataarunneqassapput. Suliniarneq pilersaarutinik, suleqatigiinnermik suliniutit ineriartortinnerannik allarpassuarnillu imaqassaaq.

Arfininngoornermi 26. august 2017 Musikkens Husimi kulturisiortitsisoqassaaq. Tassani Inuit Games takutitsinerillu allat nipilersukkanik akunniliisarluni silami ingerlanneqassapput, illup iluanilu kalaallip nordjyllandimeersulli suleqatigiillutik eqqumiitsuliaat saqqummersinneqassapput kiisalu tusarnaartitsisoqassalluni.

Taamatut Kalaallit Ulluini kulturikkut sammisassaqartitsinerni kalaallit nordjyllandimiullu innuttaasut suleqatigiinnerat annertusisarneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER