Skip to main content

Aalborgimi Kalaallit Ullui

Ullumi Kalaallit Ullui Aalborgimi aallartinneqarput. Kommuneqarfik Sermersuup Aalbogillu Kommunianiatalu suleqatigiillutik politikki, inuussutissarsiutit kulturilerinerlu ukkataralugit aaqqissuussineq ingerlappaat.

Kommuneqarfik Sermersuup Aalborg Kommuniatalu illoqarfittut ikinngutigiittut isumaqatigiissutigisimasaat malillugu ukioq ataaseq allortarlugu Aalborgimi kalaallit ulloqartinneqartarput Nuummiluunniit Aalborgi ulloqartarluni. Ukiormannalu Aalborg qaaqqusisuuvoq., Kommuneqarfik Sermersooq tusagassiuutinut nalunaarummi allappoq.

Nalliuttorsiornerit Nuup Aalborgillu illoqarfittut ikinngutigiittut isumaqatigiissuteqarnerannik tunngaveqarpoq. Ulluni nalliuttorsiorfiusuni innuttaasut, suliffeqarfiit politikerillu peqataasunut ilaassapput, pilersaarusiornerlu pingasunut immikkoortitigaavoq: politikkimut, suliffeqarfinnut kulturikkullu.

Politikkerit ataatsimiinnerat

Ullumi, sisamanngornermi Kommuneqarfik Sermersuumi Aningaasaqarnermut Inuussutissarsiornermullu Ataatsimiititaq borgmester Asii Chemnitz Narup siuttoralugu aamma Aalborg Kommuniani Magistratenimi politikerit borgmester Thomas Kastrup-Larsenimit siuttoqartut ataatsimeeqqatigiissapput.

- Aalborg Kommunemit illoqarfiup ineriartornera Aalborg Østimilu isumaginnikkut inissiaqarnermi suliniuteqarneq pillugu illoqarfiup iluani bussinik angalaarnermi oqaluttuartoqassaaq. Kingornalu politikerit najukkami utoqqaat illuani ullup-qeqqasiussallutik. Ualikkut Norddanmarkimi EU-p allaffianiit saqqummiisoqassaaq tassanilu illoqarfittut ikinngutigiittut isumaqatigiissutip killiffia aamma eqqartorneqassalluni, Kommuneqarfik Sermersooq allappoq.

Talliamanngornermi aggustip ulluisa 25-ni Aalborg Zoomi ulloq tamaat inuussutissarsiornermi ataatsimeersuarneqassaaq. Tassani Sermersooq Business Councilip qullersaqarfii siulittaasuilu peqataasapput.

Kulturikkut avitseqatigiinnerit

Arfininngornermi aggustip ulluisa 26-at kulturimut kulturikkullu avitseqatigiinnermut ulloritinneqassaaq. Nalunaaqutaq marlunut Musikkens Husimi eqqaanilu Inuit Gamesinik takutitsisoqassaaq, eqqumiitsulianik saqqumersitsisoqassalluni nipilersortorineqassallutillu Frederik Elsner Nina Kreutzmann Jørgensenilu.

Tassanilu unnukkut nalunaaqutaq 20.00-miit tusarnaartitsinersuaq aallartinneqassalluni ilaatigut Kommuneqarfik Sermersuup Kulturikkut nittarsaassisua Josef Lund Josefsen erinarsussalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER