Skip to main content

Aalborgimi Kalaallit Illuutaat: Pisortamut nutaamut ilassinninneq

Pisortaq Danmarkimi inunngortoq tikilluaqquneqarnermini kalaallisuinnaq oqalulluni qujassuteqarpoq.

Aalborgimi Kalaallit Illuutaat septembarip aallaqqaataanni nutaamik pisortartaarpoq, tassa Bo Albrechtsen pisortanngorpoq. Tamanna illup tallimanngornermi ualikkut illumik atuisunut aamma inuussutissarsiortunut suleqatinut ilassinninniarluni aggersaanermi nalliuttorsiutigaa.

Albrechtsen siulersuisuni siulittaasumit Anna Lyngemit tikilluaqquneqarpoq, tassami taanna 49-nik ukiulik eskomologi soorunami kalaallisut oqalussinnaavoq. 

Piffissaq sulisunut ilungersunartoq

Bo Albrechtsenip oqalugiarnermini illup sulisuinut oqaaseqarpoq: 

- Ukiut kingulliit illumi sulisuuneq oqitsuinnaasimanngitsoq nalunngilara, Kalaallit Illuutaat Aalborgimiittoq ukiut marluk matuma siorna illoqarfiup qeqqani maanna adresserilersimasaminut nuunnera oqaatigalugu pisortaq oqarpoq, tamatumalu saniatigut allanngorterisoqarsimanerarlugu. Umanakvejimit nuunnerup kingorna illu Aalborgimi sumiiffinni assigiinngitsuni inissisimagaluarpoq, kisianni aasaanerani atorfiit tamarmik illumi nutaami katersuutsinneqarput.

Oqalugiarnerit kingorna Arctic Street Foodimit kalaaliminernik sassaallertoqarpoq, aammalu erinarsoqatigiittoqarluni.

Bo Albrechtsen ukiuni 20-ni Kalaallit Nunaanni najugaqarsimavoq, taannalu Nunatta Katersugaasiviani Allagaateqarfianilu pisortap tulliatut atorfimmeerpoq. Taassuma Søren Stach Nielsen Kalaallit Nunaannut angerlartoq paarlappaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER