pilluarit

Aalborg: Inatsisilerituunngorniaq kalaaleq 12-innattoq

Nuunu-Mari Olsen North Atlantic Law Programimi Aalborg Universitetimi siullersaalluni bachelorinngorpoq

Nuunu-Mari Olsen aamma North Atlantic Law Programimi Aalborg Universitetimi lektori Louise Faber

Sisamnngornermi Nuunu-Mari Olsen Nuumminngaanneersoq selskabsretimi Aalborg Universitetiani misilitsippoq. Angusigami inatsisilerinermi bacheloritut imminut taasinnaanngorpoq.

Nuunu-Mari Olsen siullersaalluni universitetip North Atlantic Law Programiani bachelorinngorpoq, taanna ilinniagaq immikkut aaqqissugaavoq, savalimmiuneersunut kalaallinullu ilinniartunut tulluarsagaalluni. Ilinniarnerup ilinniartunut periarfissiissutigaa ilinniarnerup ilaani najukkamiissinnaaneq aamma najukkami specialiliorsinnaanermut.

Tamanna pingaaruteqarpoq, Aalborg Universitetimi lektori Luise Faber oqaluttuarpoq.

- Danmarkimi, Kalaallit Nunaanni aamma Savalimmiuni inatsisit assigiinngillat, tamaammat ilinniartut nunaminni inatsisit pulaffiginissaat pingaarluinnarpoq. Taakkulu iluaqutigissavaat Kalaallit Nunaanni imaluunniit Savalimmiuni Danmarkimiit uterunik inatsisit ilisimagunikkit.

Atuaruk: Aviaaja - ernisussiortoq nutaaq nuannersumik oqaluttuassartalik

Ilaqutariinnermut inatsit aamma angajoqqaatut akisussaaneq
Nuunu-Mari Olsenip specialini Nuummi Nuna Advokater suleqatigalugit allappaa. Specialiliaa ilaqutariinnermut inatsimmut aamma angajoqqaatut akisussaanermut tunngavoq, Nuunu-Marilu suliarinnilluaqigami 12-mik karakterinnappoq.

Advokatfuldmægtigi aamma eqqartuussisoq
Ilinniakkami tassani pragrammimi ilinniartut qulingiluaasut Louise Faberi ilisimatitsivoq, taannalu Nordisk Ministerådimit ‘best practice’-mik taasamik inuusuttut nuani avannarlerniittut assigiimmik ilinniarnermut periarfissinneqarnissaannut aallutaqarneranik toqqagaaqqammerpoq.

Aalborg Universiteti siornatigut inatsisilerituunik kandidatinik kalaallinik pingasunik qallunaanut ilinniakkamik aaqqissuussaasumi naammassisoqarnikuuvoq. Taakkunani marluk Kalaallit Nunaannut uternikuupput, advokatfuldmægtigitut aammalu eqqartuussisutut atorfeqarlutik.

Allaaserisaq Arctic Business Network aamma Sermitsiaq.AG suleqatigalugit saqqummersinneqarpoq. Uani Arctic Business Network atuarneqarsinnaavoq

Powered by Labrador CMS