Skip to main content

Aalborg Havn: Isumaqatiginninniartoqassanngilaq

RAL Aalborg Havimut isumaqatigiissummik atorunnaarsitsissappat, 200 millioninik taarsiivigeqqunermik piumasaqartoqarnissaa aallartinneqassaaq. Aalborg Havnimi siulersuisut siulittaasuat, borgmester Thomas Kastrup-Larsen naqissusiivoq.

Aalborg Havnimut ukiuni 46-ni suleqatigiissimaneq RAL-ip pisortaanerata Verner Hammekenip ataqqinartumik unitsinneqarnissaa kissaatigaa.

Suleqataasulli suleqatigiinnerup eqqissisimasumik unitsinneqarnissaanik kissaateqanngilluinnarlutik.

- 2022-ip tugaanut isumaqatigiissuteqarpugut, naammassineqarnissaali naatsorsuutigilluinnarparput, Aalborg Havnip siulersuisuini siulittaasoq, borgmester Thomas Kastrup-Larsen Sermitsiaq.AG-mut oqarpoq.

Taarsiivigeqquneq

Aalborg Havnip isumaqatigiissut siusinnaartumik unitsinneqarnissaanut taartisiassamik isumaqatiginniaqqullugu, Verner Hammeken kaammattuuteqarpoq.

Tamaatulli isumaqatiginninniarnermik ingerlatsisoqassanngitsoq, Thomas Kastrup-Larsen naqissuserpaa.

- RAL-i 2022-ip tugaanut isumaqatigiissumik taamaatitsissappat taarsiivigeqqunermik suliaq aallartinneqassaaq. Taartisiassamik eqqarsaatiginngilluinnarpagut, siulersuisut siulittaasuat oqarpoq.

Aningaasallu taartisiassat 200 millionit koruunit missaanniittut Aalborg Havnip naatsorsorsimavai.

- Isumaqatigiissut upperingatsigut Kalaallit Nunaata umiarsualivia aningaasaliissuteqarfigisimavarput, suliffeqarfiillu arlallit isumaqatigiissut aamma upperingamikku qerititsivinnik pilersitsiortorsimapput, Thomas Kastrup-Larsen oqarpoq.

- Isumaqatigiissutit atorunnaarsinneqarnissaa akuerigutsigut, suliffeqarfiit taakkut Aalborg Havnimut taarsiivigeqqusinnaapput.

- Tatiginassuseq pineqarpoq

Thomas Kastrup-Larsen suliaq ingerlanneqarnera assorujuk pakatsissutigeqqavaa, taamatulli ittumik misigisaqarsimanani oqaatigalugu.

Taanna isumaqarpoq Aalborg Havni ukiarmi isumaqatiginninniarnernilu, aningaasaliissutissat pillugit neqeroorutinik saqqummiussisimasut, 2022-ip kingorna RAL-ip Aalborg Havn umiarsualivittut ingerlatiinnassappagu.

- Oqaasinnguaq uannut isumaqartorujussuuvoq, tassalu 'tatiginninneq'.

- Tamanna suleqatigiinnerni pingaaruteqartorujussuuvoq, isumaqarpungali Royal Arctic Line-ni tatiginassuseq pinnguaringaa, Thomas Kastrup-Larsen oqarpoq.

Tamannalu paasineqarsinnaavoq suleqatigiit ataqqinartumik suleqatigiinnermik unitsitsinatik akerleriillutik unitsitsiumaartut.

RAL naqissusiivoq: - 2019-imi Aalborg qimassavarput

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER