RAL
Aalborg Havn: Isumaqatigiissutaasinnaasumik isumaqatiginninniuteqartariaqarpoq
Royal Arctic Linemik isumaqatiginninniarnissaq Aalborg Havnimit ammaffigineqarpoq. Isumaqatigiissutaasinnaasumilli isumaqatiginninniuteqartoqartariaqartoq Aalborgimit piumasaqaatigineqarpoq
Annonse
Aalborg Havn aamma Royal Arctic Line isumaqatigiissuteqarfissaminnut killeqartitaat ippassaq qaangiuppoq, taamaasilluni isumaqatiginninniarnerigaluit taamaatinneqarlutik.
Aalborg Havn suli oqaloqatigineqartoq Royal Arctic Linep pisortaanerata Verner Hammekenip oqaatigereerpaa.
- RAL-ip saaffigippatigut oqaloqatigeeqqilersinnaavugut. Isumaqatigiissutaasinnaasumilli isumaqatiginninniartoqartariaqarpoq, Aalborg Havnimi pisortaq Claus Holstein oqarpoq.