atoqqaartitsineq
Aalajumasunut takanna
Sisimiuni silami timigissartarfiup eqqaani pinnguartarfik nutaaq atoqqaartinneqarpoq
Sisimiuni Nalunnguarfiup tasiata eqqaa sukisaarsaartarfittut alloriarfioqqippoq. Maanna pinnguartarfimmik atoqqaartitsisoqarpoq nutaalianik atortulersukkamik.
Qeqqata Kommunia suliniummik ingerlataqarpoq taaguuserlugu: Nalunnguarfiup eqqaani – illoqarfiup illoqannginnersaani. Tamanna aallarnerlugu silami timigissartarfik siorna atoqqaartinneqarpoq, maannalu timigissartarfiup ungasinngisaani pinnguartarfik atoqqaartinneqarpoq.
- Nalunnguarfik – Illoqarfiup illoqannginnersaa, arlaatigut sammisaqarfigissallugu soqutiginarsigaluttuinnarpoq. Pinnguartarfiullu nutaap sumiiffimmi sammisassat ilagujai. Kommunimi innuttaasutut inuusutut utoqqaallu sunngiffiisa nalaanni pitsaasumik susassaqartitsinissamik suliniutitsinnut taanna naleqqulluinnarpoq. Sumiiffik qanorluunniit ukiulinnut arlaannillu sammisaqarusuttunut periarfissaqarfiullualerpoq, kommunep Teknikkimut Avatangiisinullu ataatsimiititaliaani siulittaasoq Hans Frederik Olsen Siumumeersoq oqarpoq.
Nalunnguarfiup tasia aamma kaajallarlugu ujaraaralimmik aqqusineqarpoq.