Aalajangiiffigisassaq ilungersunartoq
Ilisimatusartut Amerikamiup aamma Kalaallip angutit arnallu oqaloqatigisimavaat,meeqqat naartuersinnerillu paasiniarlugit. Inuiaqatigiinnut tunngasut inuttullu atukkatpatsisaaqataasarput.
Nunatsinni naartuersittartut sooq nunarsuatsinni naartuersittartuni amerlanerpaanut ilaappat?
Immikkut ilisimasallit taamaassorinninneri tusartarpavut, qaqutiguinnarli inuit nalinginnaasut oqaaseqartinneqartarlutik. Amigaataasorli tamanna ilisimatusaatigalugu suliniutikkut nutaakkut qulaajarniarneqarpoq.
Aviisi AG taama allappoq.
Ilisimatusartut marluk, Malory K. Peterssonip Montana State Universitymeersup Augustine Rosingillu Ilisimatusarfimmeersup, angutit arnallu 35-t Paamiuni Nuummilu najugallit apersorpaat. Tamatumani siunertarineqarluni Nunatsinni meerartaarnissamut naartuersinnissamulluunniit aalajangiussisarnerni sunniuteqarsinnaasut inooqatigiinnermut, aningaasaqarniarnermut ineqarnermullu tunngasut paasisaqarfiginissaat.
Malory Peterssonip AG-mut erseqqissarpaa naartuersittarnerit pingaarnertut sammineqanngimmata, nalaatsornikkulli misiligutissat ikinnerusut pineqarlutik. Taamaattumik naartuersittarnerit tamakkerlugit aalajangersimasumik nassuiarneqarsinnaanngillat.
Apersorneqartut oqaatigisaat namminneq misilittagaannik aallaaveqarajunngillat. Aappariit meerartaarniarlutik imaluunniit meerartaarniaratik aalajangeraangamik nalinginnaasumik qanoq isumaqarnerat aalajangeeqataasarpoq
Taamaakkaluartoq inuit apersorneqartut nassuiaataasa nalinginnaanerpaartaat tikkuarpai: - Ineqarneq, inissiami ilaquttanik inunnik ulikkaartumi najugaqarneq, meerartaarnissartik sioqqullugu ilinniagaqarnissaq imaluunniit misigissutsikkut piareersimannginneq pissutaasutut taavaat.«
Aviisimi AG-mi atuarnerusinnaavutit:
