Aalajangerneq: Nunaqarfiit pingasut akikinnerusumik innaallagiaqalissapput

Innaallagissamut imermullu akinik naligiisitsineq januaarip aallaqqaataat aallarnerfigalugu atulerpat, nunaqarfiit mittarfeqarfiusut pingasut ilaatinneqalissapput.

Innaallagissamut imermullu akinik naligiisitsineq ukioq manna aallartisimalersoq atulermat, akinik naligiisitsineq Kangerlussuarmut, Narsarsuarmut og Kulusumullu atuutsinneqanngilaq. Taamaasilluni innaallagiaq nunaqarfinni pingasuni taaneqartuni akisuneruvoq, imerlu Narsarsuarmi og Kulusumilu akisunerulluni.

Taama aalajangernermut tunngavigineqarpoq nunaqarfinni taakkunani mittarfeqarfiusuni Nukissiorfiit innaallagissamik imermillu tunisisuunngimmata, taamannali Mittarfeqarfiit ingerlatarimmassuk. Akinillu naligiisitsinissaq Nukissiorfinni atuutsinneqalermat.

Akilli appasinnerusut januaarip aallaqqaataaniit nunaqarfinni taaneqartuni pingasuni aamma atulissapput. Tamanna Inatsisartuni ilaasortat tamarmiusut ullumi akueralugu aalajangerpaat.

Powered by Labrador CMS